Jub aap apne new website ko roll-out karte hai to aap utsukta ke sath apne site pe visitors ke aane ka intezar karne lagte hai. Aisa ho sakta hai ke ek beginner hone ki wajah se aapko ye pata na ho ke aapki site ko logo ke visit karne se pahle search engine ko use find index aur rank karne ki zaroorat hai. Is article me hum aapke sath kuch aise tips ko share karenge jiski help se aap apne new site ko jaldi index kar sakte hai. To chalye jante ai ke hum apne new WordPress Site Indexed Kaise Kare.
Search Engine Kaam Kaise Karta Hai?
Apni new Site banane ke baad sab se pahle jis baat ko hame janna zaroori hai wo hai ke search engine kaam kaise karta hai. Hame pata hai ke internet pe kiye jane jitne bhi searches hai unme se maximum search Google se kiya jata hai.
Is liye sab se pahle hamara ye focuss hona chahye ke hum janne ke Google search engine kaise kaam karta hai. Search engine ke working functionality ko smajhne ke baad hamare liye ye aasan ho jata hai ke hum kis tarah apne site pe zyada se zyada traffic gain kare. Google ke working functionality ko detail me janne ke liye aap niche diye gaye article ko follow kar sakte hai.
Aapki site pe visitors ke aane liye sab se pahle Search engine ka aapki site ko find karna zaroori hai jise crawling kaha jata hai, aur ye crawlers, bots, ya spiders ke zarye se kiya jata hai. Jub crawler aapki page ko find kar leta hai to wo aapke page ke information ko gather karta hai aur link ko follow karta hai.
Aapke page se jo bhi information crawler find karta hai use search engine servers ko report karta hai. Phir search engine page ko index karne ke liye page ko samajhne ki koshish karta hai. Ye content ko dekhta hai aur wo sab kuch jo ye find karta hai use apne giant database ‘index’ me rakhta hai.
Indexing ke baad ab ranking ki baat aati hai, Finally ab jub aap search engine pe online kuch search karte hai. Ab Google algorithm best result ke apne index ko check karta hai aur pages ko filter kar ke best result find karta hai.
Aur hum jante hai ke search engine high-quality content and user-friendly, up-to-date pages ko hi top ranking provide karat hai.
Search engine kabhi bhi crawling, indexing aur ranking ko stop nahi karta hai. jaise jaise new pages aate jate hai aur old pages update hote rahte hai crawler continue crawl karta rahta hai. Is tarah se search engine ko result ko gather aur display karne ke naye aur improved way milte rahte hai.
To agar aap is process ko fast karna chahte hai aur ye chahte hai ke search engine jald se jald aapki site ko crawl index aur rank kar de to iska sab se aasan tareeqa ye hai ke aap apne site ke XML sitemap ko Google me submit kare.
Apne site Ko Google Me Fast Index Kaise kare
- Yoast SEO Ki Help Se XML sitemap Create Kare
XML sitemap ek file jisme aapke website ke bare me information hoti hai. Simple language me baat kare to ye aapke most important pages ki list hai. Ye ek useful tool hai jo Google ko aapki site ko find aur explore karne me help karta hai.
Yoast SEO ki help se aap sitemap create kar sakte hai. Sitemap create karne ke liye aapko sirf itna karna hai ke aapko XML sitemap option ko enable karna hai. Is option ko nable karne ke baad automatically sitemap generate ho jayega.
Yoast SEO plugin ki help se site sitemap generate karne ke liye aap niche diye gaye post ko follow kar sakte hai.
2. Google Search Console Me Account Create Kare
Sitemap create karne ke baad aapko apne sitemap ke bare me Google batana hoga. Google Search Console ek tool hai jo aapko apne sitemap ko Google me submit karne me help karega.
Yahan pe apne sitemap ko submit karne ke liye aapko isme apna account banana hoga.
Search Console me apna account banane ki complete guide ke liye aap is article ko follow kar sakte hai.
3. Google Search Console Me Sitemap Add Kare
Sitemap add karne ke liye aap Google Search Console me sitemap tab find kare. Sitemap ta me aap apne XML sitemap ko submit kar sakte hai, taki Google aapke site ko find kar sake.
Jub bhi aap apne site ke content ko update karenge to sitemap automatically update ho jayega.
Google search console ke detail description ke liye aap is post ko follow kare.
4. Apne Most Important Individual Pages Ko Google Search Console Me Submit Kare
In sab ke alawa agar aap apne kisi bhi post ko individually search console ki help se submit karna chahte hai to aap URL inspection tool use kar sakte hai. Yahan pe aap Google crawler ko apne kisi bhi URL ko recrawl karne ke liye kah sakte hai.
Aapke jo bhi pages ranking ke perspective se important hai use aap yaha pe add kar sakte hai.
XML sitemap Ki Zaroorat Hame Kyu Hai?
Hamne aapko pahle hi bataya hai ke Google aapke pages ko link ko follow kar ke find karta hai. Starting me aapko nayi site hone ki wajah se do problem ho sakte hai.
- Sab se Pahla ke aapki site ko bahut sare external site point nahi kar rahe honge.
- Dusra ye ke nayi site hone ki wajah se aapke site pe zyada content nahi hoga. Isliye aapka internal linking aur aapke site ka structure utna zyada accha nahi hoga. Aur bina link ke crawler aapke site ko kaise crawl karega.
Aise condition me apni site ko index karne ka ek solution yahi hai ke aap apne site ka sitemap create kar ke Google me submit kare. Aap apne videos, images, categories, aur tag ka bhi sitemap create kar sakte hai. Lekin ise add karna neccessary nahi hai.
Yahan pe ye baat janna zaroori hai ke aisa ho sakta hai ke Google aapke sitemap ke sabhi items ko index na kare, lekin phir bhi aapko sitemap create kar ke apne content ko index karne ki koshish karni chahye.
Ye the kuch important chizen jinki help se aap ye jaan sakte hai ke aap apne new WordPress Site Indexed Kaise Kare.
Ummid hai aapko ye article (WordPress Site Indexed Kaise Kare) informative lagi hogi. Agar aapka koi swaaal hai to aap humse comment section me pooch sakte hain. Apke liye ye ( SEO in Hindi ) course design kiya gya hai, Is Website pe apko WordPress aur SEO Complete Course Hindi me mil jyega, Agr aap WordPress se related videos dekhna chahte hain to aap hmare WP Seekho YouTube Channel par bhi visit kar sakte hain.