Rich Snippets Kya Hai?

Rich Snippets jise “Rich Results” ke naam se bhi jana jata hai normal Google search results hai jisme additional data display hote hai. Ye extra data aamtaur pe kisi page ke HTML me paye jane wale Structured Data se liya jata hai. Common Rich Snippet ke type me reviews, recipes aur events shamil hai. To is post me hum baat karenge ke rich snippets kya hai? rich snippets SEO ke liye important kyu hai. Aur aap apne site ke liye rich snippets kaise paye.

Rich Snippets Kya Hai?

Snippet wo result hote hai jise Google search results me show karta hai. Rich snippets title, description, aur URL ke sath additional valuable information display karne wale zyada appealing search results hote hai.

Google ke zyadatar search results data ke same 3 pieces ko display karte hai:

• Title tag
• Meta description
• URL

Upaar diya gaya example normal “snippet” ka hai. Jisme tittle, URL aur description hai.

Rich Snippets URL aur description ke beech bahut sare extra information ko show karta hai. Jo is tarah ka dikht hai.

Is picture me ice cream ki picture add ki gayi hai. Iske sath hi aap iski rating, is ice cream me kitni calory hai aur ise banane me kitna time lagega ye sab dekh sakte hai. Is snippet me normal snippet ke comparison me zyada information hai, isliye ise rich snippet kahte hai.

Aap dekh sakte hai ke rich snippets normal snippets ke comparison me zyada eye-catching hai, jo aapke organic CTR ko high kar sakta hai.

Aapke site aur uspe provide kiye jane wale content ke base pe bahut tarah ke rich results hote hai. Jaise ke receipy me kuch is tarah ke snippets bhi show hote hai.

Rich Snippets SEO Ke Liye Important Kyu Hai?

Abtak aapko idea lag gya hoga ke rich snippets kya hai, to ab hum baat karenge ke hamare liye rich snippets important kyu hai. Rich results or snippets ko search results me log dusre snippets ki tulna me zyada notice karte hai. Ye dekhne me zyada accha lagne ke sath hi ise sirf dekh kar user ko is se zyada information milti hai.

Ye aapki site ke visibility ko ke liye accha hone ke sath hi click-through rate ko improve karta hai.

Itna hi nahi  long run me rich snippets aapki ranking ko bhi affect karta hai. Jitne zyada log aapke link pe click karenge to Google ye notice karega ke log aapke page ko dusre page pe preference de rahe hai. Aur ye Google ko batayega ke aapka page us specific search ke liye ek accha result hai. Aur is tarah se aapke page ki ranking long run mr definitely increase hogi.

Rich Snippets Best Practices

Agar aapne apne site pe structured data add kiya hua hai to Google rich results or snippets show kar sakta hai. Structured data specific format me kuch code ka piece hota hai jise is tarah se likha jata hai ke search engines use samajh sake. Search engines code ko read karta hai aur use rich results create karne ke liye use karta hai.

Yaha pe rich snippets ke liye kuch best practices bataye gaye hai jinhe aapko follow karna chahye.

Rich Snippet Type Choose kare

Aapka pahla step rich snippet ke type ko identify karna hai jise aap pana chhate hai. Bahut tarah ke rich snippets available hai jinme se aap choose kar sakte hai.

Yaha pe humne 8 most common types ke rich snippets ko discuss kiya hai.

Reviews: Ye star rating display karta hai. Ye reviews user ke ho sakte hai.

Recipes: Special type ka structured data hai jo sirf recipe pe apply hota hai. Recipe markup me dish pakane ka time, recipe images, review jaise data shamil hai.

Music: Ye music pe Google info jaise album release dates provide karta hai.

Product Markup: Ye search engines ko specific product (price aur product images) ke bare me information deta hai.

Organization: Ye Google ko organization ke key information (jaise business ke address, logo aur contact information) ko samajhne me help karta hai.

Top Stories: Ye site ko allow karta hai ke wo search results ke “Top Stories” box appear ho sake.Ye sirf Google News approved websites pe hi apply hota hai.

Video: Search engine aapke page pe videos ko watch nahi karta hai. Isliye video markup search engines ko aapke content ke bare me samajhne me help karta hai.

Events: Isme dates, times, location is tarah ki information shamil hai.

Ek baar jub aap apne content k liye Rich Snippet ke type ko pick kar lete hai to uske baad aapko use apply karna hota hai.

Structured Data Basic Concept

Structured Data search engines ko aapke content ko behtar tareeqe se samajhne me help karta hai.

Example ke liye aap maan kijye ke aapne apne page pe ek chili recipe share kiya hai.

Bina structured Data ke Googleaur dusre search engine ko ye samjhne me mushkil hoga ke:

• Recipe kitna time lega
• Kaun se images recipe ke khud ke hai
• Ingredients ke list
• Steps

Enter: Structured Data.

Jub aap Recipe markup ko apne page pe add karte hai, to aap search engines ko batate hai ke:

“Recipe 40 minutes leti hai”

“Ye ingredients ke list hai”

“Ye dish ki picture hai”

Aur agar aapne in tamam chizon ko sahi se kiya hoga to Google aapke in data ko search results me Rich Snippet ke form me show karega.

Implement Structured Data With Schema

Structured Data ke liye zyadatar site Schema.org markup ka use karte hai.

Aur yahi reason hai ke sabhi major search engines Schema ko support karta hai. Aur aap dekhenge ke ise set karna bahut aasan hai.

Aapko sirf itna karna hai ke aapko Schema.org pe markup ke type ko find karna hai jise aap use karna chahte hai.

Aur us page pe guideline ka use kar ke apne content ko markup kare.

Google ke pass Structured Data pe solid documentation hai.

Aap Structured Data code ko apne site pe kis tarah add karte hai ye poori tarah se aap pe depend karta hai. Agar aap WordPress ka use karte hai to aapke pass bahut sare plugins ke option hai jise aap choose kar sakte hai.

Aur agar aap apne Structured Data Markup ko plugin ki help ke bina add karna chhate hai to aap Microdata or RDFa ka use kar sakte hai.

Lekin hum aapko JSON-LD ko use karne ke liye recommend karte hai. kyuki ke ye site pe Structured Markup add karne ka sab se aasan tareeqa hai.

Ummid hai aapko rich snippets ka ye article (rich snippets kya hai) informative laga hoga. Agar aapka koi swaaal hai to aap humse comment section me pooch sakte hain. Apke liye ye ( WordPress in Hindi ) course design kiya gya hai, Is Website pe apko WordPress Complete Course Hindi me mil jyega, Agr aap WordPress se related videos dekhna chahte hain to aap hmare WP Seekho YouTube Channel par bhi visit kar sakte hain.