Jub kabhi bhi hum search engine pe kuch search karte hai to hum use Words me describe karte hai, aur use search field me type karte hai. Search engine us words ke according apne index me store kiye gaye sab se relevant result ko hame show karta hai. Aur search marketing me inhi words ko hum keywords kahte hai. Aur ye aapke site ke success ke liye bahut important hota hai. Aaj is post me hum aapko keyword aur keyphrase me kya difference hai ye batayenge.
Aap jante hai ke keyword research apne website ko properly optimize karne ka first aur essential step hai. Agar aap apne site pe relevant keywords ko use karte hai to ye aapke site ke ranking ko improve karta hai. is liye apne siste ke liye right keyword find karna bahut zaroori hota hai.
Keywords aur keyphrase ye aise words hai jinhe aap har ek SEO article me dekhenge. To chalye hum jante hai Keyword aur keyphrase difference ko.
Keyword Kya Hai?
Keyword wo word hota hai jo aapke post ya page ke content ko best describe karta hai. Ye wo search term hai jiske liye kisi khas page ko aap rank karna chhate hai. Isliye jub log us keyword ko Google ya dusre search engine pe find karenge to aapke website ka page unhe milna chahye.
Example ke liye agar aapki website dog ke bare me hai, aur aapne puppies ke bare me ek blog post likha hai. To aapke is post ko jo word best describe karega wo “Puppy” hai
Keyword ka matlab hai ek single word. Starting me search engine simple algorithm ka use karta tha aur is wajah se zyadatar log apne search term me single word ka use karte the. Lekin jaise jaise search engine ne apne algorithm ko improve kiya waise waise log apne search term me ek se zyada keyword ka use karne lage, jiski wajah se ab lo zyada behtar tareeqe se apne zaroorat ko express kar sakte hai aur search engine unhe most relevant results provide karta hai.
Keyphrase Kya Hai?
Keyphrase ek search term hota hai jiske liye aap apne post aur page ko rank karna chahte hai. Taki jub log us search term ko find kare to wo aapke page ko find kar sake.
Isliye keyphrase ka matlab hai separate words ka set jo milkar phrase banata hai.
Example ke liye aapki ek website dog ke bare me hai aur aapne puppies ko obedient kaise banaye iske bare me ek blog post likha hai. To jo keyphrase aapke content ko describe karega wo hai “puppy obedience training”.
Key Differences Kya Hai?
Keywords ke search volumes keyphrases ke comparison me zyada hote hai. Wahi dusri taraf keyphrase zyada targeted aur specific traffic aapke site pe lata hai. Jitna zyada keyword aapke keyphrase me hoga utna zyada chance hai ke aap jo dhundh rahe hai wo mile aur jaldi mile.
Suppose kijye ke agar aap ne search engine pe “internet” term ko search kiya. Is term ko kisi bhi search engine ko samajh pana mushkil hoga ke iska matlab kya hai, isliye iska chance zyada hai ke aapko irrelevant results mil sakta hai.
Wahi dusri taraf agar aap “Internet marketing companies,” type karte hai to search engine ko ye easily pata chal jayega ke aap internet marketing companies ke bare me search kar rahe hai. Aur is tarah se search engine aapko relevant results dega jisme aapko is topic ke bare me information hoga.
Ab aap soch rahe honge ke aap kise choose kare keywords ya keyphrases ya phir dono ko focus karna chhaye. Actually ye mainly aapke business niche pe depend karta hai.
Jaise suppose kar lijye ke aap online shoes sell karte hai aur to agar ise case me aap apne site ko shoes ke liye optimize karte hai to ye aapke liye accha rahega. Lekin wahi agar aap wahi pe ek internet marketing agency run karte hai to agar aise condition me aap apne site ko “internet” ya “marketring” keyword ke liye optimize karte hai to ye aapke liye waste hoga. Is liye aapko apna common sense use karna hoga.
To ye tha keyword aur keyphrase ka difference. Ab aapko in dono ka difference samjh me aa gaya hoga. isliye aapko chahye ke aap apne site ke according perfect term ka selection kare aur apne site ko optimize kare.
Ummid hai aapko Keyword aur keyphrase difference ka ye article (Keyword Aur keyphrase Me Kya Difference Hai) informative laga hoga. Agar aapka koi swaal hai to aap humse comment section me pooch sakte hain. Apke liye ye (WordPress in Hindi) course design kiya gya hai, Is Website pe apko WordPress Complete Course Hindi me mil jyega, Agr aap WordPress se related videos dekhna chahte hain to aap hmare WP Seekho YouTube Channel par bhi visit kar sakte hain.