Humlog apne site pe bahut se ache ache content ko post karte hai, lekin ye content tabhi valuable hota hai jab ye search engine aur users ke liye accessible ho. Sitemap Create karne se hamare site pe ek positive impact parta hai.
Sitemap kisi bhi website ya blog ke liye bahut zaruri hota hai. Sitemap ek aesa file hota hai, jisme aap Google aur Bing jaise search engines ko apne Websites content ke organization ke bare me batane ke liye, apne site ke web pages ko list kar sakte hai. Google aur Bing jaise search engine web crawler, Uss list ko apki site par bahut hi smartly crawl karne ke liye padhta hai.
Actual me Sitemap Two types ke hote hai, Html aur XML. Html Sitemap visual type hota hai, jise website banane se pahle hi create kar sakte hai, Lekin ham abhi XML Sitemap ki baat karenge, Jo ki hamare WordPress website ke SEO ke liye bahut important hota hai. To chaliye detail me jante hai XML Sitemap Kya hai aur Sitemap Create Kaise Kare.
XML Sitemap Kya Hai ?
Ek XML Sitemap website par roadmap ke tarah work karta hai, Jo google ko sites ke sabhi important pages tak le jata hai. XML Sitemap SEO ke liye bahut achha ho sakta hai, Kyunki ye google ko site ke important web pages jaldi dhundne ke liye allow karta hai, chahe apke site ka internal link sahi nahi bhi ho.
Har koi chahta hai ki, Google uske site ke har ek important page ko crawl kare. Lekin kabhi kabhi pages bina kisi internal link ko point kiye hi complete ho jata hai, Jisse unhe dhundna mushkil ho jata hai.
“XML Sitemap” websites ke importants pages ka list banata hai, Jisse google un sabhi importants pages ko bahut hi asaani se dhund aur crawl kar sakta hai, Jisse apke websites structure ko samjhne me bahut madad milta hai.
Sitemap Create Kaise kare ?
Sitemap Create karne ke liye bahut sare tarike hai, Unme se hi ek bahut asaan tarika Yoast SEO Plugin ke zariye bhi hai. Yaha mai batungi ki kaise Yoast SEO Plugin apko ek achha XML Sitemap create karne me madad karta hai. Yoast SEO Plugin Free aur Premium dono hi version me available hai. Agar aap Yoast SEO Plugin ka use nahi kar rahe hai, To apka sitemap thora alag dikhai dega, Lekin process same rahega.
Step 1. Sabse apko apne WordPress site par Plugin directory se Yoast SEO Plugin ko install >> activate karna hai. Aap plugins install karne ke liye, hamare WordPress Plugin Install kaise kare guide ko follow kar sakte hai.
Step 2. Yoast SEO Plugin activate karne ke baad, WordPress Dashboard menu bar me SEO >> General par click kare.
Step 3. Next General – Yoast SEO page me “Features” par click kare.
Step 4. “XML Sitemap” ke niche “ON” button par click kare, Aur fir apne changes ko save karne ke liye”Save changes” button par kare.
Step 5. Yoast SEO Plugin ne Sitemap create kiya ya nahi, Verify karne ke liye “Question mark” icon par kare.
Question mark” icon par karne ke baad, Yoast SEO Plugin ke through generated live XML sitemap ko dekhne ke liye, “See the XML sitemap” link par click kare.
Yaa fir, Apne website address ke last me simply “Sitemap_index.xml” jor kar bhi Yoast SEO Plugin ke through generated live XML sitemap ko dekh sakte hai.
Https://www.exmaple.com/Sitemap_index.xml
XML sitemap ke har ek line ke last me aap date dekhenge. Ye google ko batata hai ki apka post last kab update hua aur SEO ka bhi help karta hai, kyunki aap chahte hai google apke sites ke updated contents ko jald se jald crawl kare. Jab XML Sitemap me koi date change hota hai, To google ko pata chal jata hai ki Crawl aur index karne ke liye koi new content hai.
Step 6. Agar aap apne XML sitemap se kisi content ko bahar nikalna chahte hai, To Aap apne XML sitemap se “Search Appearance” tab par click kare, Firr “content types” par click kare.
Next apko yaha par bahut sare options milte hai, jiske zariye sitemap me jo bhi rakhna chahte hai, ya bahar nikalna chahte hai, kar sakte hai.
Jabki, Jab search engine me sitemap submit karne ki baat aati hai, To apko sirf main sitemap index file submit karni hoti hai. To chaliye aage janenge, Search engine me sitemap submit kaise karna hai.
Google me XML Sitemap Submit Kaise Kare ?
Website ke sitemap ko Google me Submit karne ke liye, Pahle Website’s owner ko Google Search Console ke zariye verify kare.
Step 1. Sabse pahle Google Search Console website par jaye aur “Start Now” button par click kare.
Step 2. Ab Google / Gmail account ke zariye sign in kare.
Login hone ke baad apna website URL ko enter kare.
Step 3. Site verification ke do methods “Domain name or URL prefix” hai, Lekin apko mai URL prefix method ke liye recommend karungi, kyuki ye flexible method hai.
Is baat ka dhayan rakhe ke Google HTTP aur HTTPS ko do different protocol samajhta hai. Google http://www.example.com aur https://example.com ko different samajhta hai.
Aap WordPress site ke correct “URL“ ko enter kare.
Step 4. Agar aap apne WordPress site ke URL ke bare me sure nahi hai, To aap simply WordPress admin area me Settings » General page pe ja kar apne URL ko find kar sakte hai.
Apne site ke correct address ko Google webmaster tools setup wizard me enter karne ke baad aap ‘Continue’ button pe click kare. Ab next step pe move kar sakte hai.
Step 5. Ab apse apne site ke ownership ko verify karne ke liye kaha jayega. Verify karne ke bahut se methods hai par mai aapko HTML tag method bataungi, kyu ki ye easiest method hai.
Step 6. HTML tag pe click kare, aur use expand kar ke code ko copy kare.
Step 7. Ab apko Google site verification meta tag ko WordPress me add karna hoga, taki Google ye verify kar sake ke aap us website ke owner hai.
Google periodically HTML tag ko check karta hai, Aur agar verification tag find nahi hone pe ye apke site ke access ko search console me disable kar deta hai.
HTML tag ko add karne ke liye apko Insert Headers and Footers plugins ko “install aur activate” karna hoga. Aap plugins install karne ke liye aap hamare WordPress Plugin Install kaise kare guide ko follow kar sakte hai.
Step 8. Plugin ke activate ho jane ke baad, Settings » Insert Headers and Footers page par jaye aur Google HTML tag code ko jise apne copy kiya tha ‘Scripts in Header’ box me paste kare.
Changes ko save karne ke liye Save button par click kare.
Step 9. Ab aap Google Search Console settings me jakar verify button par click kare.
Google Search Console, Ab HTML tag ko apke website code me dekhega aur aapko success message display kar dega.
Agar apko success message nahi dikhta hai to aap apne WordPress cache ko clear kare, Isse google apke site ke latest version ko catch kar lega.
Finally, Aap ne successfully apne site ko Google search console me add kar liya hai. Ab aap “Go to Property” link pe ja kar Google Search Console dashboard me visit kar sakte hai.
Yaha se aap apne website’s performance reports aur index coverage ko dekh sakte hai.
Ab jab Google search console me apne website ko add kar liya hai, To ab Google search console me XML Sitemap Submit kare.
Step 1. Google search console par sing in kare.
Step 2. Google search console ke side bar se, Apna Website select kare ya add kare.
Step 3. “Index section” par click kare, fir “Sitemap” par click kare.
Step 4. “Add a new sitemap” field me sitemap URL ko complete karne ke liye ‘sitemap_index.xml’ enter kare. Domain Property me apne site ka Full URL dale.
Step 7. Submit par click Kare. Ab aap apne submitted Sitemap ko dekh sakte hai.
To Doston bas itna hi, Ummid hai aapko ye article (XML Sitemap Kya hai aur Sitemap Create Kaise Kare) informative laga hoga. Agar aapka koi swaaal hai to aap humse comment section me pooch sakte hain. Apke liye ye ( WordPress in Hindi ) course design kiya gya hai, Is Website pe apko WordPress Complete Course Hindi me mil jyega, Agr aap WordPress se related videos dekhna chahte hain to aap hmare WP Seekho YouTube Channel par bhi visit kar sakte hain.
Also Read:
- LumaFusion PC Style Video Editing App For Android & iOS
- Professional Mobile video Editing | VN Video Editor App
- Canva – Graphic Designing App For Mobile
- 5 Steps – Successful Freelancer Guide
- Mobile Se Professional Video Editing Kasie Karen