Freelance, Freelancer Ya Freelancing ek bhot hi fascinating term hai. Aaj ke is techie world me har koi as a freelancer work karna chahta hai, because freelance me aapka koi boss nhi hota. clinet choose karne ki azzadi hoti hai. Saath hi aap apni mehnat and time ke hisab se charge kar sakte hani.
Freelance ki jab bhi bhi baat hoti hai to normally logon ke dimage me 2-3 baaten aati hai.
- Boss se Azadi – Yahan par hum khud hi boss hote hain.
- Apna Time – Jab man me aya kaam karo, jab man me aaya na karo
- Paisa – Freelancing me bhot paise hote hai.
But kya such me ye itna simple hai, Janenge is Article me. Hum step – by – step process discuss karenge jise follow karke aap ban dakte hain ek successful freelancer.
Important Link From Video
- Graphic Design Course – https://billi4you.com/best-graphic-design-course-online/
- Create Business Email – https://www.youtube.com/watch?v=jlYbo73JQ2E
- Godaddy ( Book Domain 30% OFF ) – Godaddy.com
- Market Place Link
- Freepick – ( Sell Product )
- Envato Element – ( Sell Product )
- Envato Market – ( Sell Product )
- Creative Market – ( Sell Product )
- Upwork – ( Sell Service )
- Freelance.com – ( Sell Service)
- Fiver – ( Sell Service )
Freelance Kya hai ?
Freelance ek working style hai jahan aap independently work karte hain na ki kisi company ke andar. Aap Project, Client and Fees khud se choose karte hain. Jabki ye Job me possible nhi hota. Job me aapko salary milti hai and company jo bhi work deti hai wo aap karte hain. But yahan aap Independent hote hain. Aap kisi comapny ke saath badhenhi hote.
Example : Aap ek Freelance Graphic Designer hain, aap kisi company ka koi logo design karne ka project lete hain. aap time and paise ke liye company se negotiate karte hain ki main ye project X- Days me delever karunga and iske liye main X-Amount change karunga. Aapne us company ka kaam kiya or baat kahtam.
Kya Freelancing Easy Hai ?
Freelancing Ek business ki trah hai, Yahan aap ek small business run karte ho. So ek business me jaise ek boss hota hai, employ, marketing, and support team. Ye saare roles aapko freelancing me khud karne hote hain.
Work kahan se aayega, kaise work hoga, delivery, correction, support, feedback, finance etc. everything aapko khud handle karna hota hai. so freelancing itna bhi easy nhi hai.
Haan ek time aata hai jab aapka workflow ready ho jaata hai aap employ hire kar lete hain, tab jaakar chizen aasan ho jaati hai.
5 – Step Freelancing
Agar aap ek successful freelancer banna chahte hain to aapko 5-steps follow karne hain. jinhe follow karke aap ban sakte hain ek Successful Freelancer. Aap in steps ko kisi bhi successful freelancer ke freelance journey se comapre kar sakte hain and aap payenge ki Yes unhone ne bhi ye sabhi steps follow kijye hain.
1. Refine Your Skill
humara sabse pahla step hai Refine Your Skill – humare paas bhot saari chizon ka skill ho sakta hai. but iska matlab ye nhi ki hum sabhi chizon se related work start kar den. hume apne skill ko shorlist karna hai , use narrow down karna hai and refine karna hai.
- Shortlist Your Skill – Apne skill ko refine karne ke liye sabse pahle aap apne saare skill ko short list kijiye jisme aap bhot ache hain. jo aapko bhot ache se aata hai. Jaise for expamle man ne shorlist kiya – Photography , Graphic Design
- Narrow down Your Skill Based On Interest – Aapne jo bhi skill shortlist kiya hai usme se ab aisa skill chose kijiye jisme aapka intrest hai. jo karne me aapko mazaa aata hai. for example – Graphic Design main ne choose kiya apne interest ke according. Bhot sare scenario me aapka refine process yahin kahatam ho jayega. Lekin Graphic Design ke case me main ise or Refine karinga.. and choose karunga ki graphic design me mujhe Logo Designer banna hai.
- Master Your Skill – Ab jo bhi skill aapne choose kiya hai usme aapko mastry karni hai. uske upar full information collect karna hai and practice karna hai.. Jaise – Main ne choose kiya logo Design to main ab Logo Design par full reserch karunga . ki – kis kis trah ka logo design hota hai. colors, font, style, resource, inspiration, ye saari information main collect karunga.
Agar aap kisi bhi filed me succusses hona chahte hainto ye step bhot zaroori hai. aapko ek single skill par focus hokar mastery karni hai.
2. Create A Brand
Kisi bhi product ya phir service ke liye brand ek bhot hi important role play karta hai. Brand se Aapki identity banti hai. Brand se ek trust build hota hai. To Aapko Khud ka ek brand create karna hai. Aapko khud ko bhi ek brand bana sakte hain.
a. Brand Name –
Brand create karne me sabse pahle aata hai name. Aap brand ka kuch unique separate name rakh sakte hain, ya apne name ko bhi thoda bhot tweek karke use kar sakte hain. Make sure ki aapka bhot common sa name na ho.
Name sochne or decide karne ke doran aapko Sabhi popular social media sites par jaana hai or apne brand se related username search karna hai. or agar har jagah user name available hai to use book kar lena hai.
Saath hi aapko Godaddy ke upar visit karna hai or domain search karna hai. or use book kar lena hai. Godaddy hi meri recommendation hai because yahan par domain or uske dns ko manage karna aasan hai. website bananni hai ya nhi wo aage hum decide karenge, but domain aapko zaroor book kar lena hai…
Branding ke liye ye isliye zaroori hai ki agar aapko koi search kare to aapke saare profile easily serach me aajaye, customer ya user ko faalto ke doosre account se related results na mile.
b. Logo And Banners –
Next aapko Logo And Banners wagarah create karna hai…. unique and and asani se dimag me aa jaye aisa logo honi chahiye. Agar aap apna face hi use karna chahte hain to make sure aap potriate photo jisme sirf aapka face ho wo use karen. na ki full body.
c. Portfolio –
Next aapko Apna portfolio create karna hai, Investment wala stock portfolio nhi. Basically aapke apne product or services se related show case create karna hai. taki logo ko exactly aapka profile dekh kar idea ho jaye ki ye kis baare me hai.
Jaise main ne choose kiya logo design. to main bhot saare khud ke design kiye hue sample daalunga. design or thought process update karunga. dikhni chahiye ki aap kya karte ho.
d. Share Personal Photos –
aapko apni personal photos and thoughts share karni hai. personal matlab normal photos.. life events. thoughts wagairah. user ya customer se connect hone ke liye ye bhot zaroori hai. logon ko pata chalni chahiye ki is brand ke peeche kon hai. trust build karne ke liye ye bhot zarrori hai.
3. Product Or Service
Guys hume teesre Step me decide karna hai ki product ya service. hume product sell karna hai ya service ya dono. Jaise For example. Main ek Motion graphic Designer hoon… means main animated chizen design karta hoon. Mere paas 2 option hai –
a. Product –
Product me kya hoga, for example maine animated wedding templates design kar diya jise user download karke easily customize kar sakte hain apne according and use kar sakte hain.
b. Service –
service me customer aapni requirements batayenga, contents dega or main unke according use design karunga.
Ye bhot chota sa step hai but agar hum decide karte hain to phir aage ke step me hum usi hisab se platform or marketplace choose karenge. Finally Aap or aapka brand ready hai market me utarne ke liye.
4. Own Website | Social Media | Market Place
Guys hume chothe stepme decide karna hai ki hume apne product ya service ko kahan par sell karna hai ya list karna hai.
a. Own Website –
Agar aap apne product ya services ko apne khudke platform ke upar sell karna chahte hain to iske liye aapko ek website bannani hogi. aap khud se bhi bana sakte hain bagair coding knowledge ke. sabse easy and best way hoga wordpress. Isse related aapko YouTube par hazaro tutorials mil jayenge. And aap chahen to Huamra premium course bhi join kar sakte hain. Ya phir or aap apni requirements ke according doosron se bhi develop karwa sakte hain….
b. Social Media –
Agar aap ye saara kaam social media se hi karna chahte hain to jo humara doosra step tha Create A Brand uske saare steps ko ache se follow karen. Aapko or kuch karne ki zaroorat nhi. and next freelancing step ko read karen
c. Market place –
Market place kya hota hai. Amazon, Flipkar, Envato Market, Fiver, Udemy, Skillshare, Upwork. Ye sabhi ek market place hai, Ek platform hai. Yahan par already lakho customer or users hai.. jinhe product ya phir service chahiye. Aap in platforms par aap as a seller… as.. designer… as a teacher.. as freelancer register kar sakte hain. Apna profile bana kar apne product and services ko list kar karke sell kar sakte hain.
Popular Market Places
a. Sell Product
- Freepick – Download Based Commission
- Envato Market – Set Own Pricing
- Envato Element – Download Based Commission
- Creative Market – Set Own Pricing
b. Sell Service
- Upwork – Bidding – Offer Your Price
- Freelance.com- Bidding – Offer Your Price
- Fiver – Post Your Gig
5. Marketing
Apne saare steps ache se follow kiye hain but agar aap uski marketing aap ache se nhi karte to aap ek succusesful freelancer nhi ban sakte. socho aapke paas customer ya user hi nhi ho to kaisa success.
Marketing me subse pahli or basic jo chiz hai wo hai Presentation. Aap jo likh rhe hain, design kar rhe hain, show kar rhe hain wo appealing ho, dekhne me, padhne me, sunne me acha ho genuine ho. ye sabse basic hai. aap kisi bhi trah ki marketing kar rhe ho. is baat ka aapko khayal rakhna hai…Ab kis kis tarike se aap marketing kar sakte hain wo jaante hain.
a. Approach
Aap khud se un logon ko approch kar sakte hain jinhe aapke product ya service ki zaroorat ho sakti hai. aap use mail kar sakte hain, aap messge kar sakte hain.
Ab jab bhi aap kisi ko approach karen to kuch important check list create karlen jise aapko message ya mail me mention karna hai.
- Aap kisko message kar rhe ho – Aap kisi ko messge karne se pahle uske baare me jaane .. uska name .. or brand etc. and mail ya message aap uske naam ke saath greeting karte hue start karen..
- Aap kon ho – Mention Your Name, Brand Name, Social media profile or website link etc.
- Aap kya karte ho – Apne product ya service ke baare me explain karen. Apni expertise ke baare me bataye.
- Work sample – Aap sample attach karen.. ya link daalen… aap previous client or usse related link share kar sakte hain.
- Aap exactly chahte kya ho – Aapne mail kion kiya hai, aap kya product ya service offer kar rhe hain wo explain karen.
Ye sabhi steps ek serous… and genuine mail ya message ke liye bhot zaroori hai.
Mail ke case me main aaapko recommend karunga ki aap busness email use karen, normal gmail, yahoomail, se mail na karn. business mail ka bhot zyada impact padta hai. Aap business email create karne ke liye humari video dekh sakte hain. Aap email marketing wagairah bhi use kar sakte hain…
b. Offer Free Stuff
Logon ko free stuff bhot pasand hote hain, Aap shuru me logon ke liye free me kaam kar sakte hain, unke liye free me photo editing, logo design ya post wagairah create kar sakte hain.
aap famous logon ke liye free me chizen craete kar sakte hain or unko tag kar sakte hain, message ya mail kar sakte hain, agar unko pasand aayega to wo aapko free me promote ka denge or is trike se ek identity create hone lagegi or aapko paid client milne lagenge…
c. Content Creator
Marketing ke liye aap content Creator ban sakte hain. Basically aapko apne skill se related information, tools and techniques share karne hai. tutorial ya informational videos create karni hai.
Aapko user base create karna hai jo us skill me interested hon and phir unhe aap apni product or service ko recommend kar sakte hain or is trah se ek viewer ek customer ban jaata hai.
d. Advertisment
Aap agar market place par hain to unka boost or advertisment option use kar sakte hain. Aap facebook and google par advertise kar sakte hain, aap influencer ko sponser kar sakte hain. But ye ek paid marketing hai…. isme aapko paise kharch karne padenge.
Guys ye tha humara 5 step… jinhe aap follow karke Aap ban sakte hain ek successful freelancer. I’m sure ki aapko bhot kuch seekhne or jaane ko mila hoga… to please apna feedback zaroor dijiye, kuch suggestion hai to please wo bhi bataye apna payar and support show karne ke liye is Article ko share kar sakte hain…