Google search console ke tutorial me humne abtak bahut kuch dekh lya hai. Ab is article me hum Common Google Search Console Errors ke bare me baat karenge.
Jaisa ke hum jante hai ke hamare site ke errors hamare site ko Google search results me appear hone se rokta hai. Is liye is tutorial me hum ne Common Google Search Console Errors ko discuss kiya hai jiski help se aapko apne site ke errors ko find and fix karne me kafi help milegi. To chalye dekhte hai Common Google Search Console Errors ko.
Aap Google Search Console ke in article ko bhi apne site ke performance aur SEO ko improve karne ke liye follow kar sakte hai:
- Google Search Console Verification Kaise Kare ?
- Step By Step Google Search Console Guide.
- Google Search Console Features
- Google Search Console: Technical SEO Optimization
Common Google Search Console Errors
Submitted URL Errors:
Aapke site pe kisi bhi pagew ko index nahi karne ke teen reasons ho sakte hai. Aise pages jinhe Google index nahi karta hai wo search result me appear nahi hote hai jiska matla hai ke SEO point of view se is page ki value zero hai.
1. Pages Are Blocked by robots.txt:
Cause: Aapne jiis page ko indexing ke liye submit kiya hai, us page ko robots.txt file block kar raha hai. Ye robots.txt file rules ki list hai jise Google “bot” ke liye define kiya jata hai. Aur in rules me se koi bhi agar ye define kar deta hai ke us page ko index nahi kiya jayega to Google us page ko index nahi karta hai.
How to Fix This Error: Aap problem ko confirm karne ke liye apne page ko robots.txt tester par test kar sakte hai. Agar aap kisi page ko index karna chahtehai to aap robots.txt file ko us page ko block karne se roke. Iske liye aapko robots.txt file me un rules ko hatana hoga jo page ko block hone se rok rahe hai.
2. Page Is Marked “No Index”
Cause: Aapne apne page ko index hone ke liye submit kiya hai lekin page ke meta tag ya HTTP header me no-index directive hai. Ye error previous error ki tarah hai jisme aap Google ko aap apne page ko do conflicting signal de rahe hai.
How to Fix This Error: Agar aap is page ko index karna chahte hai to aapko “noindex” meta robots tag ya HTTP header ko remove karna hoga.
3. Page Has a Crawl Issue
Cause: Is error me Google ek unspecified crawling error ko encounter karta hai. Ye error unfortunately dusri wajah se bhi ho sakta hai, lekin Google inke bare me zyada detail provide nahi karta hai.
How to Fix This Error: Google in pages ko debug karne ke liye Google Search Console me URL inspection tool ko recommend karta hai. In errors ko aapko developers ke sath discuss karna hoga taki aap in causes ko samajh sake.
404 Errors
404 error ka matlab hai ke Googlebot aapke page ko find nahi kar pa raha hai. Typically, ye ab us place pe exist hi nahi karte hai jinhe Googlebot access kar sake. Aapki site ke grow karne ke sath ye error bahut common hai jiska aapko samna karna hoga. To aaeye dekhte hai ke ye error kab occur karte hai aur hame ise fix karne ke liye kya karne ki zaroorat hai.
1. Submitted URL Seems to Be a Soft 404
Cause: Aapne is page ko indexing ke liye submit kiya hai lekin server ab blank ya nearly blank page return kar raha hai.
How to Fix This Error: Agar page ab available nahi hai aur iska koi replacement nahi hai to to aap apne server ko 404 (not found) or 410 (gone) response code return ke liye configure kare. Aur agar aapka page kahi move ho gya ho ya uska koi replacement ho to aap uske liye 301 redirect kar set up kar sakte hai.
2. Submitted URL Not Found (404)
Cause: Aapke sitemap me include kiya gya URL ab exist nahi kar raha hai. Kabhi kabhi aapko kisi page ko remove karna hota hai (creating 404) joki completely acceptable hai. Example ke liye aise pages jiska koi replacement nahi hai ya phir aise pages jinpe traffic nahi ho aur nahi koi link aur wo kisi keyword ke liye rank bhi nahi kar raha ho.
How to Fix This Error: Hame sirf kuch 404 errors ko fix karne ki zaroorat hai. Agar koi URL exist kar raha hai lekin use move kar diya gya hai to aap simply 301 redirect add kare. Aap iska use tab hi kare jub aapke pass uska ek good replacement version ho. Lekin agar URL unknown hai aur aap apne content ko permanantly delete karna chahte hai to aap in 404 error ko ignore kar sakte hai. Googlebot in pages ko khud hi dekhna band kar dega.
Server Error (5XX)
Agar Google Search Console server error report karta hai, to iska matlab hai ke Googlebot aapke URL ko access nahi kar pa raha hai, request time out ho ja raha hai ya phir aapka site busy tha. Aur as a result Googlebot ko request ko chorne ke liye force kiya gya. Is type ke errors ke bahut sare possible reasons ho sakte hai, aur kuch cases me aapko in errors ko apne developer team aur host se aapko is issue ko address karne ki zaroorat ho sakti hai.
Cause: Jub page ko request kiya jata hai to aapka server 500-level error return karta hai.
How to Fix This Error:
- Dynamic page requests excessive load times cause kar sakte hai; Aap apne check kare aur zaroorat parne pe excessive page loading ko reduce kare.
- Sure ho le ke aapke site ka hosting server down, overloaded, ya misconfigured na ho.
- Check kare ke aapki site Google ko anjane me block nahi kar rahi ho.
- Search engine site crawling aur indexing ko wisely crawl kare: kuch webmaster intentionally Googlebot ko apne site tak pahunchne se rokte hai taki wo control kar sake ke ye kaise crawl aur index kiya jata hai.
Redirect Error
Jub aap apne site pe kisi page ko move ya remove karte hai to ye ek best practice hai ke aap 301 redirect set kare joki web browser ko batata hai ke aapka page move ho gya hai aur ise dusre page pe direct hoga. Agar pages ko multiple time move kiya jata hai ya original location pe set back karne pe errors ho sakte hai.
Cause: Redirect errors niche diye gaye kuch reasons ki wajah se ho sakta hai.
- Ek redirect chain jo bahut lambi ho (use max 3)
- Redirect loop (A B ko point karta hai aur B A ko….)
- Redirect error maximum length ko exceed kar gya ( ye ek problem ho sakti hai agar layered navigation me redirect kar rahe ho ya query parameters add karte waqt)
- Redirect chain me bad ya empty URL ke hone ki wajah se.
How to Fix This Error: Aap apne sabhi redirect ko review kare aur ye sure kare ke jaha tak possible ho single redirect ho ho. The Chrome Extension “Ayima” ye detect karne me bahut accha hai ke kya page ko redirect kiya gya hai, page ko kaha redirect kiya gya hai aur redirect me kitne hops present hai, jo aapko page-by-page basis pe issues ko identify karne me help karta hai.
Mobile Usability Errors
Mobile phones me internet ke tezi se use hone ki wajah se ye sure karna ki aapke pass ek aise site hai joki fast hone ke sath hi use karne me aasan hai. mobile usability error aapko un problems ke bare me alert karti hai jo aapki site par pages ko navigate karne me users ke liye mushkil paida karti hai.
1. Clickable Elements Too Close Together
Cause: Ye report aise site ko report karti hai jaha pe touch elements jaise buttons aur navigational links ek dusre se bahut close hote hai jiski wajah se mobile user apne phone pe desired element ko bina neighboring element ko tap kiye bina apne finger se tap nahi kar pate hai.
How to Fix This Error: Is issue ko fix karne ke liye aapko apne mobile users ke liye size aur space touch elements ko correct karna hoga taki wo mobile users ke liye suitable ho. Aap Google’s Accessibility Styles Guidelines; se iske batrew me aur bahut kuch jan sakte hai.
Minimum recommended target size 48 pixels hai aur elements ke beech ka space kam se kam 8 pixels hai.
2. Viewport Not Set
Cause: Aapka page view port ko correctly define nahi karta hai, joki browser ko batata hai ke screen ke size ke according page ke dimension and scaling ko kaise adjust kiya jaye.
How to Fix This Error: Kyu ki aapke site pe aane wale visitors alag alag screen size ke sath hi different tarah ke device ka use karte hai isliye aapke page ko meta viewport tag ka use kar viewport specify karna chahye.
Recommended setting <meta name=”viewport” content=”width=device-width, initial-scale=1.0″> hai. Aur aap apne site pe large, fixed-width elements (jaise ke image) ko use karne se bache jo screen size ko reduce na kar sake aur unhe side to side scroll karne ki zaroorat ho.
3. Content Wider Than Screen
Cause: Ye report un pages ko indicate karta hai jaha pe horizontal scrolling words aur pages ko dekhne ke liye necessary hota hai. Aisa tab hota hai jub page CSS declarations me absolute values ka use karta hai.
How to Fix This Error: Is baat ko sure kar le ke page CSS element ke liye relative width aur position values ka use karta ho.
4. Text Too Small to Read
Cause: Ye report un pages ko identify karti hai jaha page ka font size clearly padhne ke liye bahut chota hota hai, aur isko padhne ke liye mobile visotors ko ise zoom karne ki zaroorat hoti hai.
How to Fix This Error: Apne web page ke liye view port fix karne ke baad apne viewport ke andar font size ko theek se scale kare. Font size ke liye aap Pixel value ki jagah relative units (em or rem) ka use kare.
To Doston bas itna hi, Ummid hai aapko ye article ( Common Google Search Console Errors ) informative laga hoga. Agar aapka koi swaaal hai to aap humse comment section me pooch sakte hain. Apke liye ye ( WordPress SEO in Hindi ) course design kiya gya hai, Is Website pe apko SEO aur WordPress Complete Course Hindi me mil jyega, Agr aap WordPress se related videos dekhna chahte hain to aap hmare WP Seekho YouTube Channel par bhi visit kar sakte hain.
Also Read :
- Master Premiere Pro Essential Graphics | Video Editing Course Chapter – 13
- Speed Ramp | Time Remapping | Video Editing Course Chapter – 12
- Multi Camera Editing | Video Editing Course Chapter – 11
- Advanced Color Correction | Video Editing Course Chapter – 10
- Video Transition Effects | Video Editing Course Chapter – 09