Jub baat self-hosted WordPress site ki hoti hai to Yoast SEO plugin sabse best tools me se ek hai jo aapke pass honi chahye. Yoast SEO most widely popular WordPress plugins me se ek hai jise samajhna aasan hai. Is post me aap Yoast SEO Plugin Key Feature ko janege.
Aap ek personal blog run kar rahe ho ya ek SEO professional ho Yoast ek powerful tool hai jo aapko apne site ko search engine-friendly banane me help karta hai.
Yoast SEO ko kisi bhi self-hosted WordPress site pe install kiya ja sakta hai. Ye most comprehensive SEO-related WordPress plugin hai aur sath me ye free bhi hai.
Yoast SEO ek popular WordPress plugin hai jise webmasters ke liye design kiya gya hai taki wo apni site ko search engines ke liye optimize kar sake.
To aaeye dekhte hai Yoast SEO Plugin Key Features ko ke hame is plugin me kya kya SEO features milenge.
Yoast SEO Plugin Key Features :
Post and Page Optimization :
Yoast Plugin ki help se WordPress pages aur posts me title aur description tags ko likhna aasan ho jata hai.
Aap apne post ka “Snippet Preview” bhi dekh sakte hai ke Google’s search results me aapka page kaisa dikhega.
Zyadatar WordPress Theme aapko post me titles aur meta descriptions likhne deti hai.
Lekin Yoast plugin ki khas baat ye hai ke aap theme change karne ke baad bhi apne page ke sabhi information ko Intact rakh sakte hai.
Problems :
WordPress dashboard me yoast aapko SEO problems bhi show karta hai.
Jaisa ke aap dekh rahe hai Yoast ko hamari website pe kisi bhi tarah ka koi SEO issues nahi mila hai. Agar aapke SEO me koi problem hogi to aapko report mil jayega.
Social Cards :
WordPress editor me aap is feature ki help se social cards create kar sakte hai.
Agar aap Yoast primium feature ka use kar rahe hai to aap ye bhi dekh sakte hai ke aapke post social media pe share karne ke aad kis tarah ka dikhega.
Content Optimization :
Yoast SEO Plugin Key Feature me ye ek aisa feature hai jo ke different sections me bata hua hai.
Readability: Ye aapko aapke content ke reading level ko batata hai. Aur user ko aise tips batata hai jiski help se wo apne writing ko improve kar sake.
Focus Keyphrase: Yaha pe aap Yoast me apna “focus Keyword” dalte hai. Iski help se aap apne post ko is particular word ke around optimize kar sakte hai.
Ye Yoast ke kuch aise feature hai jo bahut khas nahi hai, Kyu ki ye aise feature hai joki aaj kuch zyada importance nahi rakhte hai.
Aapne shayad bahut se SEO nobe se suna hoga ke hame apne post ko optimize karne ke liye “all green lights” ke liye koshish karni chahye….chahe keyword stuffing aapke site ko fayda pahunchane ke bajaye nuksan hi pahuncha de.
Agar keyword density and keyphrase length, jaise feature ko agar yaha se eliminate kar diya jaye to ye kaha ja sakta hai ke ye SEO tool hamare liye bahut hi zyada helpful hai.
Is feature ki helpse aapko ye hi pata chal jayega ke aapne jo URL create kiya hai wo SEO friendly URL hai ke nahi.
Cornerstone Content :
Ye Yoast ka naya feature hai joki batata hai ke “aapke publish kiye gaye content me ye best content hai”. Aur aapke post ko publish karne ke baad Yoast aapke is post ko Cornerstone content melink kar dega.
Webmaster Tools :
Aap is feature ka use Google Search Console account ko confirm karne ke liye use kar sakte hai. Aap Google search console me apni site ko sumit karne ke liye Google Search Console Me Apni Site Ko Add Kaise Kare post ko follow kar sakte hai.
Advanced :
Yahan pe aap apne page aur post me “noindex” tag use kar sakte hai, canonical tags create kar sakte hai, robots.txt settings bhi change kar sakte hai.
Internal Linking :
Ye Yoast premium feature hai joki internal linking ko easier banane ke liye design kiya gaya hai.
Jub aap apne post ko create karte hai to Yoast aapke page ke words aur phrases ko scan karta ha jise aap dusre pages se internal linking ke liye use kar sake.
Sitemaps :
Aap Yoast ka use sitemap create karne ke liye bhi use kar sakte hai.
Market me XML sitemap create karne ke liye bahut se Plugin availale hai par jub Yoast me ye feature hai hi to aap dusre plugin ko kyu add kare.
Aap Yoast ke sitemap feature ka use kar ke easily sitemap create kar sakte hai.
Search Appearance :
Yahan pe aap apne WordPress site’s sitewide settings ko aasani ke sath adjust kar sakte hai.
General: Yahan pe aap apne page ke tittle aur site ke name ko kis tarah se separate karna hai wo choose kar sakte hai.
Is page se aap apne homepage’s SEO settings ko bhi edit kar sakte hai.
Content Types: Yahan pe aap apne WordPress pages aur posts ke default settings ko choose kar sakte hai. Jaise aap apne sabhi post ko noindex bhi kar sakte hai.
Taxonomies: Yahan pe aap WordPress category pages, tags ke liye rules create kar sakte hai.
Archive: Yahan pe aap apne author page ke liye rules set kar sakte hai.
Breadcrumbs: Aapki site ke liye breadcrumbs navigation create karne ke liye helpful hai.
RSS Feed: Aapke blog’s RSS feed ki settings.
Tools :
Yahan pe aap apne bulk info ko import ya export kar sakte hai, iske sath hi apne site ke pages ko bulk edit bhi kar sakte hai.
To Doston bas itnahi, Ummid hai aapko ye article ( Yoast SEO Plugin Key Feature ) informative laga hoga. Agar aapka koi swaaal hai to aap humse comment section me pooch sakte hain. Apke liye ye ( WordPress in Hindi ) course design kiya gya hai, Is Website pe apko WordPress Complete Course Hindi me mil jyega, Agr aap WordPress se related videos dekhna chahte hain to aap hmare WP Seekho YouTube Channel par bhi visit kar sakte hain.
Latest Post :
- WordPress Posts Me Author Info Box Kaise Add Kare
- Filezilla FTP Client Setup Kaise Karen ?
- Images Aur Media Files Ko WordPress Me Rename Kaise Kare.