WordPress vs Blogger

WordPress vs Blogger: Blogging ki baat ki jaye to hamare pass blog start karne ke bahut se options hai jinme se hum kisi ko bhi select kar sakte hai. Lekin jub hum blog start karne ka sochte hai to sab se pahla khyal ye aata hai ke hum apna blog kahan pe start kare. Blogging ke liye WordPress aur Blogger bahut famous hai. lekin in dono me hame kis ka selection karna chahye beginners ke liye ye bahut hi confusing hai. Is post me hum aapko yahi batane wale hai ke WordPress aur Blogger me aap kis ka selection kare.

WordPress vs Blogger- Behtar kaun?

Jub kabhi bhi WordPress vs Blogger ki baat aati hai ke inme se zyada behtar kaun hai, to ye un logon pe depend karta hai ke kaun se log kis chiz ko consider karte hai. Agar aap un logon me se hai jo zyada technical hassles ko lena nahi chahte hai to Blogger aapke liye best option hai. Par agar aap unlogon me se hai jo apne blog pe kuch khas power aur feature chahte hai to WordPress aapke liye best option hai. Niche hum ne ek list banayi hai jisme bataya hai ke WordPress vs Blogger me kin chizon me kaun behtar hai.

Why and Why Not Blogger?

• 

Blogger platform beginners ke liye ek best option hai. Agar aap abhi blogging ki field me naye hai aur aapko technical knowledge nahi hai aur aap apne blog pe paise spend karna nahi chah rahe hai to aapke liye blogger ek best option hai.

In benefits ke sath sath bloggers ke functionalities aur SEO benefits ke term me bahut se limitations hai. Agar aapko zero expense ke sath blog start karne ke liye ek platform ki zaroorat hai to blogger ek right option hai.

Lekin agar aap Blogging paise ke liye khud ki branding ya authority ke liye kar rahe hai to Blogspot aapke liye ek ideal choice nahi hai. Blogger me aapke blog me add karne ke liye limited features available hai. SEO optimization me bhi Blogger me bahut se kamiyan hai jo WordPress ko is se behtar banata hai.

Agar aap apne blog se paise earn karna chahte hai aur ek long term impact dalna chahte hai to WordPress aapke liye best option hai.

Why and Why Not WordPress?

WordPress aapko apne blog pe full control deta hai, aur aap technically kuch bhi kar sakte hai jo aap chahte hai. Aap free aur paid Plugins ki help se apne blog ko jis tarah ka look aur feel dena chahte hai de sakte hai.

WordPress me aapko SEO ka bhi full control mil jayega. Kuch SEO Plugins ki help se aap apne blog ko SEO friendly bana sakte hai. WordPress aapko wo sab kuch karne ki permission deta hai jise aap karna chahte hai.

WordPress pe agar aap apna blog banate hai to aapko apne blog ko khud hi mange karna hoga. Aapko WordPress ko khud ke server pe install karna hoga. WordPress pe blog start karne ke liye aapko technical knowledge ki zaroorat hogi. Lekin wordpress community ki taraf se support provide kiya jata hai jiski help se aap bahut kam time me hi sab kuch aasani ke sath sikh jayenge.

Agar aap yeh soch kar Blog start kar rahe ke aapko is se paise earn karne hai aur aapko famous hona hai to WordPress aapke liye ek best option hai. Aur agar aap ek occasional writer hai to Blogspot aapke liye ek best option hai.