Har ek WordPress site pe Contact form hona chahye taki log aapse contact kar sake. Agar aap apne site pe contact form add karna chah rahe hai to is post me hum aapko batayenge ke WordPress me Contact Form Kaise Create Kare ?
Contact form create karne ke process ko batane se pahle hum aapko contact form ka importance ke bare me kuch bata den ke contact form ka hamari site pe kya importance hai aur hume contact form kyu use karna chahye.
Contact Form ki Zaroorat Hame Kyu Hai ?
Apne site pe contact form ko add karne ke liye aapko kisi bhi tarah ke coding knowledge ki zaroorat nahi hai. Aap bina kisi bhi coding knowledge ke plugins ki help se contact form add kar sakte hai.
Agar aap apne site pe contact form add karte hai to aapko niche diye gaye kuch benefits milenge.
- Spam protection: Agar aap apne site pe contact form ki jagah sirf apna email address dalte ahi to aapko apni site pe bahut saare spam emails milne shuru ho jayenge kyu ki Spam bots regularly website pe email tag ke khoj me hote hai . Agar aap conatct form ka use karte hai to aap lagbhag sabhi spam emails se bach jayenge.
- Agar aap contact form ka use nahi karte hai to log aapko sabhi information send nahi karte hai jiski aapko zaroorat hai. Contact form ki help se aap apne user ko exactly un information ke bare me bata sakte hai jiski aapko zaroorat hai.
- Contact form ki help se aap time bhi save kar sakte hai. Contact form ki help se aap apne user ko ye bata sakte hai ke unka agla step kya hona chahye. Ek clear information milne ke baad user aapko baar baar mail kar ke pareshan nahi karenge.
Ye WordPress contact form ka example hai jise hum is tutorial me create karenge.
WordPress me Contact Form Kaise Create Kare ?
Contact form create karne ke liye hum jis plugin ka use karenge uska naam hai WP Forms.
WP Forms ke do version available hai free version ka naam hai WP Forms Lite aur paid version ka naam hai WP Forms premium. Aap apne hisab se koi bhi choose kar sakte hai. Yhan pe hum WP Forms Lite ka use karenge kyuki ye free hone ke sath hi use karne me aasan bhi hai.
Sab se pahle hume WP Forms Lite Plugin ko install karna hoga. Plugin ko install karne ke liye aap hamare Plugin ko kaise install kare guide ko dekh sakte hai.
Step 1. Contact form create ekarne ke liye sabse pahle aap apne WordPress dashboard me login ho aur WP Forms Lite plugin ko install aur activate kare.
Step 2. Plugin ko activate karne ke baad aapke samne ek screen open hogi jispe is plugin ko start karne ke tips aur kuch basic information diye gaye honge.
Aap open huye window me create Your First Form option ko select kar ke form ko create karne ke process ko start kar sakte hai.
Step 3. Ya phir aap WordPress Dashboard me WPForms menu me add new ke option me ja kar create kar sakte hai. Add new pe click karne pe aapke samne niche diya gaye screen open ho jayega.
Step 4. Aap diye gaye option pe clcik kar ke use edit kar sakte hai. Aap mouse ka use kar ke form ke order ko drag aur drop bhi kar sakte hai. Agar aap koi naya field add karna chahte hai to left me avaialble field se select kar sakte hai.
gar aap ek simple form use karna chahte hai to diye gaye template ka use kar sakte hai. Aur agar aap apne contact field me kisi bhi tarah ka customization karna chahte hai to aap blank form select kare. Yahan pe hum aapko Blank form se contact form create karna batayenge.
Step 5. Sab se pahle aap Blank form ke option pe clcik kare aur upar diye gaye field me form ka naam enter kar len. Aap apne form ko left me diye gaye field ki help se create kar sakte hai. Aapko jis bhi field ka use karna hai to aap use simply drag kar ke right side me drop kar sakte hai.
Aapko fancy field me kuch options bhi dikh rahe honge joki sirf premium version ke liye available hai. Aap standared fields ka use kar ke apna form create kar sakte hai. upar screenshot me dikhaya gy aform humne standared field ke use se kiya hai.
Step 6. Form create ho jane ke baad aap upar me aa rahe Save button pe click kar ke apne form ko save kar sakte hai.
Step 7. Aab aapko embade button pe click kar ke uska code wahan se copy karna hai. Ab is code ko aap wahan pe paste kare jahan pe aapko is form ko display karna hai.
Contact Form ko Configure Kaise Kare ?
Form ko create karne ke baad aapko form ke notification aur confirmation ke liye configure karna hoga.
Confirmation me wo chizen shamil hai jo aapke user form ko submit karne ke baad dekhenge.
Aur notification ki help se aapko kisi form ke submit hone ka pata chalega.
Aap in dono options ko WPform builder ke setting me ja kar configure kar sakte hai.
Notification admin email pe jayega jise aapne apne site pe setup kar rakha hoga. Agar aap ye chhate hai ke notification multiple email pe jaye to aap comma se separate kar ke dura email daal sakte hai.
Contact Form Ko Page me Kaise Add Kare :
Aapne apne contact form ko configure kar liya hai ab aapko us page me embade karna hai jispe aap contact form ko display karna chahte hai.
Sabse pahle yato aap ek naya page create kar len ya phir kisi existing page ko edit kare jisme aap apna contact form add karna chahte hai.
Aap Form add karne ke option pe ja kar form ko add kar sakte hai.
Form ko add karne ke liye add block me jaye aur Widget me WPforms Ko select kare aur us form ko chune jise aap select karna chhate hai.
Aapke page me contact form add ho gya hai. Ab aap use save kar ke preview kar sakte hai. Agar aap apne page me contact detail ko
sidebar or dusre widget area me dalna chahte hai to aap niche ke step ko follow kare.
Adding WordPress Contact Form in a Sidebar :
Apne WordPress admin area me Appearance me jaye aur phir Widgets me jaye aapko WPForms widget dikhega, jise aapne theme ke kisi bhi widget area me add kar sakte hai.
Ab aap apne form ka title add kare aur us form ko select kare jise aap add karna chahte hai. Setting ko save kare aur preview kar ke apne website pe changes ko dekhe.
To Doston bas itnahi, Ummid hai aapko ye article ( WordPress me Contact Form Kaise Create Kare ) informative laga hoga. Agar aapka koi swaaal hai to aap humse comment section me pooch sakte hain. Apke liye ye ( WordPress in Hindi ) course design kiya gya hai, Is Website pe apko WordPress Complete Course Hindi me mil jyega, Agr aap WordPress se related videos dekhna chahte hain to aap hmare WP Seekho YouTube Channel par bhi visit kar sakte hain.
Also Read :
- WordPress Kiyon Use Kare ?
- Domain Name Kya Hota Hai?
- Theme Kya Hota hai?
- Subdomain Kya hai?
- Plugins kya hota hai?
- Hosting Kya hota hai?