Kya aap apna khud ka WordPress blog banana chah rahe hai. WordPress blog banana ek mushkil kaam lag sakta hai khas kar tab jub aapke pass technical knowledge nahi ho. Is post me hum aapko batayenge ke aap apne khud ka WordPress blog kaise banaye aur iske liye apko kin chizon ki zaroorat hogi aur aapko kya karna hoga. Ye guide blog kaise banaye un logon ke liye hai jo apna khud ka WordPress blog banana chhate hai aur blogging ke bare me thora ya kuch nahi jante hai. To chaliye dekhte hain WordPress Blog Kaise Banaye Step by Step in Hindi?
WordPress Blog Kaise Banaye Step by Step in Hindi?
WordPress Blog banaye ke liye aapko mainly do chizon ki zaroorat hogi.
- Domain name
- Web Hosting
Lekin jub hum apne WordPress blog start karne ka sochte hai to sabse pahle hame is baat ke bare me decide karna hota hai ke hum kis platform ko choose kare. Iske baad hame apne blog ka niche decide karna hota hai. Is tutorial me hum complete blog banane ke process ko cover karenge jisme hum aapko batayeneg:-
- Blogging Platform kaise choose kare
- Blog Niche kaisa hona chhaye
- Domain Name kaise register kare
- WordPress Hosting kaise buy kare
- WordPress installation kaise kare
- First blog kaise post kare
- WordPress theme aur Plugin install kaise kare
- WordPress SEO kaise kare
- Apne blog se paise earn kaise kare
Step1. Blogging Platform
Blog start karne ke liye sabse pahli chiz jo hame sochni hoti hai wo hai blogging platform. Bahut se platforms blogging ke liye available hai jise aap choose kar sakte hai. In platforms, ke bare me logon ki different opinion hai. Bahut sare blogger apni blogging Blogger joki google ka blogging platform hai se start karte hai aur phir bloggers ke comparison me self-hosted WordPress ki benefits ko jaan kar ispe jump karte hai.
WordPress ek popular blogging platform hai jise use karna bahut aasan hai. Aapko bata den ke poori duniya me 30% website WordPress pe bane huye hai. WordPress ki baat kare to hum self-hosted WordPress ki baat kar rahe hai. Aap wordpress.com aur wordpress.org me confuse na ho. Blogging ke liye self-hosted WordPress ko hi best platform mana jata hai. Hamari site bhi self-hosted WordPress pe hi bani huyi hai. Agar aap blogging ke liye blogger ya wordpress.com ka use kar rahe hai aur self-hosted WordPress pe move karna chahte hai to aap hamare niche diye gaye guide ko follow kar sakte hai.
- Apne blog ko WordPress.com se WordPress.org pe move kaise kare
- Blogger ko WordPress me kaise import kare
Step2. Blog Niche :
Platform decide karne ke baad aapko apne niche ko decide karna hota hai ke aap apna blog kis chiz ke bare me banana chahte hai. Aapke liye ye decide karna bahut zaroori hai ke aap apne blog ko kis topic ke around rakhna chahte hai. Agar aap apne blog pe koi bhi random chiz dalte hai to ye aapke liye fruitful nahi hoga. Apko blogging se paise earn karne ke liye apne blog ko kisi ek topic ke around rakhna hoga, kyu ki log aise blog ko hi subscribe karte hai jo kisi ek particular topic pe ho.
Blog ke topic ko select karte waqt aap aise topic ko select kare jiske bare me aapko knowledge ho aur aapko us topic me interest ho.
Step3. Domain Name :
Domain name kisi bhi website ka address hota hai jise use kar ke visitors aapke website pe visit karte hai. Aapke blog ke success hone me domain name bahut important role play karta hai. Jub aap blogSpot ya wordpress.com pe apni website banate hai to aapko istarah ke domain name milte hai.
name.blogspot.com and name.WordPress.com.
Lekin jub aap ek custom domain (www.billi4you.in) ko register karte hai to aapko laghbahg $12/ year payment karni hoti hia. Jub bhi aap domain name register kare to kuch baton ka khyal rakhe jaise:
- .com domain ko kisi bhi dusre domain pe preference den
- Aisa domain select kare jise pronounce karna easy ho
- Is baat ka dhyan rakhe ke domain confusing na ho
- Apne domain ko bahut zyada lamba na banaye, koshish kare ke domain 12 character se kam ka ho
Domain name redister karne ke liye aap hamare niche diye gaye guide ko follow kar sakte hai.
Step 4. Web-Hosting :
Web hosting wo jagah hoti jahan pe hum apne website ko install karte hai. Web hosting aapka server hai jahan pe aapke blog ke sabhi content files, images, sab kuch rakhe jate hai.
Bahut sare hosting provider hai jinse aap hosting service buy kar sakte hai. Lekin WordPress ke liye Bluehost ek best option hai aur ye WordPress ka recommend kiya hua bhi hai. Bluehost pe aapko cheapest price (2.95/month) pe hosting service mil jayegi. Iske sath hi agar aap do saal ya is se zyada time ke liye hosting purchase karna chahte hai to aapko free domain Name mil jayega aur aap apne $12 ko save kar sakte hai. Hosting buy karne ke liye aap niche diye gaye guide ko follow kar sakte hai.
- Apne blog ke liye Bluehost se hosting kaise kharide
- Apne Blog ke liye Godaddy se hosting kaise kharide
Hosting buy karne ke liye sab se pahle aapko Bluehost ke page pe ja kar Get started link pe click karna hoga.
Ab aapko Plan choose karna hai, agar aap ek blog run karna chahte hai to aap basic plan ko select kijye aur agar ek se zyada blog run karna chahte hai to aap choice plus ko select kare.
Agle screen pe aapse domain name ke liye kaha jayega. Aap agar chahe to ise baad me use karne ke liye abhi skip kar sakte hai.
Next pe click karne se aap Bluehost account information aur payment page pe chale jayenge. Apne sare detail correctly fill kare.
Ab aapko apne package ko select karna hai. Agar aap three years ke plan ko select karte hai to aapko ye package kam se kam price me mil jayega.
Ye saare process karne ke baad aap apne payment information ko fill kare aap payment credit card ya PayPal se kar sakte hai aur Submit button pe click kare. Payment process ho jane ke baad aapko kuch hi minutes me Bluehost account ki login details receive hogi. Ab aap apne Bluehost cPanel me login kare, aur WordPress install kare.
Step 5. Install WordPress :
cPanel me aapko bahut sare icons dikh jayenge jisme se kuch ka use aapko WordPress install karne ke baad karna hoga. Aap scrool kar ke niche website ke section me aa jaye aur WordPress ke icon pe click kare.
Ab aapko Bluehost Marketplace Quick Install screen pe redirect kar diya jayega. Aap Get started button pe click kare.
Next screen pe aapse apne domain name ko select karne ke liye kaha jayega. Drop down se domain select kare aur Next ke option pe click kare.
Uske baad aapko apna Site Name, username, aur password enter karna hoga. Iske alawa aapko sabhi checkboxes ko check karna hai aur install ke option pe click karna hoga.
Quick install aapke liye wordpress ko install karna start kar dega. Yahan pe wordpress install hone ke time hi aapko Theme ko browse karne ka option diya jayenge. Yahan pe aapko ise karne ki zaroorat nahi hai, hum aapko next step me ise karne ke bare me batayenge.
WordPress installation finish ho jane ke baad aapko ek page pe redirect kar diya jayega jahan pe aapke wordpress ka login credential hoga.
Is page pe aapke important information honge jise aapko save kar lena hoga. Aapka website URL is tarah ka dikhega
Apne dashboard me login karne ke liye login link pe click kare. Ab aap apne site ke appearance ko customize kar sakte hai.
GoDaddy hosting account pe WordPress install karne ke liye niche diye gaye guide ko follow kare.
Step 6. Wordpres Setup :
Apne WordPress blog start karne ke baad first blog post likhne se pahle aapko apne blog pe kuch setup karni hoti hai. Apne blog ko perfect banane ke liye aapko apne blog pe kuch setup karna hoga. Aap niche diye gaye guide ko follow kar ke apne blog ko setup kar sakte hai.
Step 7. Selecting WordPress Theme :
WordPress blog ke visual appearance ko Theme se control kiya jata hai. Blog ke look aur feel ko customize karna website create karne ka ek exciting part hai.
WordPress ke liye hazaro pahle se bane huye theme available hai jise aap apne blog pe install kar sakte hai. In me se kuch free hai aur kuch paid, agar aap chahe to paid theme bhi use kar sakte hai. Apni site ke liye best theme select karne ke liye niche diye gaye guide ko follow kare.
Aap apne dashboard me Appearance me Theme ke option me ja kar theme ko install kar sakte hai.
Screen pe aa rahe Add New button pe click kare.
Next screen pe aap search option ki help se 5600+ free WordPress themes jo WordPress.org themes directory me available hai use install kar sakte hai. Aap popular, latest, featured, aur feature filters ki help se them ko search kar sakte hai.
Aap kisi bhi theme ke upar mouse ko le jakar us theme ko preview ke option ko dekh sakte hai. Jispe click kar ke aap dekh sakte hai ke wo theme aapki website pe kaisa dikhega.
Them ko intall karne ke liye aap install ke button pe click kare. Install ho jane ke baad theme ko Activate kar de, theme aapki site pe activate ho jayega. Zyada jankari ke liye WordPress Theme Install kaise kare ko follow kar sakte hai.
Theme ko activate karne ke baad aap Appearance menu me ja kar them ko customize kar sakte hai. WordPress ke liye best free them ki list ko janee jo janne ke liye niche diye gaye guide ko follow kare.
Apne blog ke liye theme select karne ke baad aap apna first blog post create kar sakte hai.
Step 8. Creating Your First Blog Post :
Apne WordPress blog pe post likhne ke liye aapko dashboard me Post me Add New button pe click kare.
Aapko ek editor area dikhega jisme aap apna pahla blog post likh sakte hai.
Ek baar jub aapka likhna complete ho jaye to aap right side me aa rahe publish button pe clcik kar ke apne pahle post ko publish kar sakte hai.
Post screen pe aapko aur bhi bahut se options dikhenge jise aap hamare niche diye gaye guide ko follow kar ke apne post me utilize kar sakte hai.
Step 5. Plugins & Customizations :
WordPress pe aapko apne site me additional features (contact forms, galleries) ko add karne ke liye plugin ki zaroorat hogi. WordPress plugins aise App hote hai jinki help se hum apne site me additional feature ko add kar sakte hai.
Free WordPress directory me 55,000 se bhi zyada plugins available hai. Isliye aap apni site pe jo kuch bhi karna chahte hai aap plugin ki help se kar sakte hai. Plugin ko install karne ke liye aap hamare niche diye gaye guide ko follow kar sakte hai.
Blog ke liye best plugin ki list niche di gayi hai.
- Blogs aur Business ke liye Best WordPress Plugins
- 3 Best WordPress Backup Plugins
- 3 Best WordPress Security Plugins
Google Analytics Tracking kaise setup kare :
Google Analytics Tracking aapko ye pata lagane me help karta hai ke aapke blog pe kitne log aate hai, Wo kaha se aate hai, aur wo aapke blog pe kya karte hai.
Is liye apna WordPress blog start karne ke baad aapko Google Analytics ko install karna chahye taki aap jan sake ke aap time ke sath kitna grow kar rahe hai.
Sab se pahle aapko apne Gmail account se Google Analytics me sign in karna hoga.
Login hone ke baad aapko Google analytics account ke liye free me signup kar sakte hai.
Aapse aapke information aur website url ke bare me poocha jayega. Uske baad aapko Google Tracking Id diya jayega.
Ab aapko ek plugin ki help se Google tracking Id ko apne blog me add karna hoga.
Plugin install karne aur Google analytics ko setup karne ke liye aap hamare niche diye gaye guide ko follow kar sakte hai.
Google analytics ko use karne ke liye aap hamare guide Google Analytics ko kaise use kare ko follow kare.
Step 9. SEO ke liye WordPress Blog Ko Optimize Kaise Kare :
Bahut sare beginners apne blog ko shuruaat me optimize nahi karte hai. Search engine optimization users ko aapke blog ko search engine me find karne me help karta hai. Agar aap apne blog pe zyada traffic chahte hai to aapko pane blog ko SEO optimize karna chahye.
SEO ke liye aapko sabse pahle Yoast SEO plugin ko install aur activate karna hoga. Ye ek complete SEO plugin hai jiski help se aap apne blog ko optimize kar sakte hai. In fact, ye plugin sab se best plugin hai jise aap use kar sakte hai.
SEO plugin ke bare me zyada jankari ke liye ap niche diye gaye articles ko follow kare.
- WordPress Yoast SEO Plugin Install and Setup Kaise Kare ?
- 50+ Best WordPress Plugins for Your Website in 2020 !
- Yoast SEO Plugin Key Feature.
- Bloggers Ke Liye Kuch Basic WordPress SEO Practices
Activation ke baad aapko dashbord menue me “SEO” ka icon dikhega, jispe click kar ke aap plugin ke setting page pe ja sakte hai.
Apne blog SEO ke liye aap hamare Step by Step – WordPress SEO Complete Guide for Beginners ko follow kare. Iske sath hi aap WordPress me SEO Optimize Blog Kaise Likhe ko bhi follow kar sakte hai.
Iske alawa aap SEO ke bare me additional jankari ke liye aap niche diye gaye article ko follow kar sakte hai.
- On-Page and Off-Page optimization kya hai?
- WordPress me SEO friendly Permalink kaise create kare
- Bloggers ke liye kuch basic WordPress SEO Practices
- Meta Title aur Meta Description ko SEO Optimize Kaise kare
- Nofollow aur Dofollow Links
- Domain Authority (DA) kya hai? Apne website ke DA ko kaise increase kare
- Backlink kya hota hai?
- Keyword Research kya hai? Apne blog ke liye keyword research kaise kare
- Apne Blog ko Google me kaise Submit kare
Step7. Adding Important Pages :
Yahan pe aapke blog ke liye kuch important pages ke naam bataye gaye hai jo aapki WordPress blog banane ke baad pahle din se hi honi chahye.
- About pages: Is page pe aapke blog aur aapke bare me information hogi.
- Contact form: Is page pe contact form hoga jiski help se aapse contact kiya ja sake. Aap contact form create ke liye WP form plugin ka use kar sakte hai.
- Privacy policy: Apne blog ke liye privacy detail add kare.
- Comment policy: Apne blog ke comment policy ko add kare.
Step 10. Making Money From Your Blog :
Blog se paise earn karne ke bahut se tareeqe hai jinse aap paise earn kar sakte hai. Yhan pe niche kuch common ways diye gaye hai.
- Google AdSense
- Affiliate marketing
- Sponsored content (Get paid for writing about others)
- Amazon affiliate program
- Own digital products like eBooks, Online course
Frequently Asked Questions (FAQs) :
Beginner blogs paise kaise kamate hai?
Beginners blog paise earn karne ke liye add network jaise AdSense, affiliate marketing ka use kar sakte hai.
Daily kitne post hame post karne chahye ?
WordPress Blog start karne ke baad aapko apne post ko regular post karna chahye. Agar aap daily post kar sakte hai to ye acchi baat hai warna week me 2-3 post sufficient hai.
Apne blog pe add ke liye kab apply kare ?
Blog pe AdSense ke liye apply karne ka koi right ya wrong time nahi hai. Bus jub aapke blog pe 20-25 pages ke content tayyar ho jaye to aap apne blog ke monetization ke liye apply kar sakte hai.
To Doston bas itnahi, Ummid hai aapko WordPress Blog banane ka ye article ( WordPress Blog Kaise Banaye Step by Step in Hindi ) informative laga hoga. Agar aapka koi swaaal hai to aap humse comment section me pooch sakte hain. Apke liye ye ( WordPress in Hindi ) course design kiya gya hai, Is Website pe apko WordPress Complete Course Hindi me mil jyega, Agr aap WordPress se related videos dekhna chahte hain to aap hmare WP Seekho YouTube Channel par bhi visit kar sakte hain.
Also Read
- WordPress Kiyon Use Kare ?
- Domain Name Kya Hota Hai?
- Theme Kya Hota hai?
- Subdomain Kya hai?
- Plugins kya hota hai?
- Hosting Kya hota hai?