Aise pages jispe koi link available na ho orphan pages kahlata hai. Is post me hum aapko batayenge ke orphan page kya hai ise fix kaise kare aur aap apne site ke orphan pages ko find kaise kare. Iske sath hi hum aapko batayenge ke orphan pages ko fix karna SEO ke liye kyu Important hai.
Aise webpages ko find karna jispe koi link na ho mushkil hai lekin impossible nahi.
Agar aapke site pe aise pages hai jispe user ya search engine pahunch nahi pa rahe hai to is problem ko aapko fix karne ki zaroorat hai.
Is tarah ke pages ko orphan pages kaha jata hai.
Yahan pe hum aapko batayenge ke orphan pages kya hai ise fix karna SEO ke liye kyu zaroori hai, aur apne site pe orphan pages ko find kaise kare.
Orphan Page Kya Hai?
Aisa page jispe koi link point na kare orphan page kahlata hai.
Google jaise search engines usually new pages ko niche diye gaye methods me se kisi ek ki help se find karte hai:
- Crawler kisi dusre page se link ko follow karta hai.
- Crawler aapke link ko aapke XML sitemap me listed find karta hai.
Isliye agar aap chahte hai ke Google aapke pages ko crawl aur index kare to aapko apne pages ko Google ke liye accessible banana hoga.
Orphan Pages SEO Ke Liye Problem Kyu Hai?
Search engines orphan pages ko link ke through find nahi karta hai, isliye orphan pages kabhi kabhi unindexed rah jata hai aur search results me kabhi bhi show nahi hota hai.
Bhale hi aapke orphan pages XML sitemap me listed ho phir bhi wo SEO ke liye ek problem hota hai.
Kya Orphan Pages Bure Hai?
Orphan pages users ho ya crawlers kisi ke liye bhi acche nahi mane jate hai.
User aapke site ke natural structure ke through aapke site pe nahi pahunch sakte hai. Is liye agar us page pe koi useful ya important information hoga to wo waste jayega.
Jiski wajah se ye ek frustrating user experience create kar sakta hai.
Bina kisi internal links ke aapke page pe authority pass nahi hoga.Aur search engine ka koi semantic ya structural context nahi hota hai jisme aapke page ko evaluate kiya ja sake.
Bina ye jane ke aapke poore site pe koi page kaha pe fit baithta hai, ye determine karna mushkil hai ke wo page kis query ke liye relevant hai.
Orphan vs. Dead End Pages
Orphan pages ke detail me jane se pahle hum two different SEO term ke difference ko clearify kar lete hai taki hame aage confusion na ho.
Jaisa ke hum aapko pahle hi bata chuke hai ke orphan pages aisa webpage hai jo us site ke kisi dusre pages se link na ho ya wo kisi se link na ho.
Wahi dusri taraf dead-end page aisa webpage hote hai jo kisi internal webpages ya external websites se linked nahi hote hai. jiski wajah se ye dead-end create karte hai.
Aise pages pe jub log land karte hai to wo ya to is page ko chor sakte hai ya phir back ko hit kar sakte hai.
Jub search engine crawlers is page pe land karta hai, to wo is page se kahi nahi ja sakta hai aur yaha se koi link equity pass nahi kiya ja sakta hai.
Aaj itne templates aur themes available hai, jiski wajah se dead end create hona mushkil hi nahi balki hardly impossible hai.
Ek dead end ko on-page content me link add kar ke, ya har page pe sidebar ya footer navigation ko add kar ke easily theek kiya ja sakta hai.
To chale ab hum apne orphan pages ko find karte hai.
1. Crawlable Pages Ko Identify Kare
Aapko un sabhi URL ki list ki zaroorat hogi jise presently aapke site ke link ko crawl kar ke pahuncha ja sakta hai.
Iske liye aapko apna crawler – ek SEO spider ki zaroorat hai. Iske liye ScreamingFrog ek accha option hai.
Aap jis bhi crawler ka use karte hai is baat ka dhyan rakhe ke wo sirf unhi pages ko crawl kare jise search engine ne index kiya hai.
Iska matlab ye hai ke wo un pages ko crawl na kare jo:
- Noindexed ho
- robots.txt me jo search engines ke liye hidden hai.
Crawl ko site ke homepage se start kare.
Canonical URL me is baat ka dhyan rakhe ke usme proper https ya http, aur www ya non-www shamil ho.
Ek baar apne site ko crawl karne ke baad URL ko spreadsheet me is tarah export kar le.
2. Orphan Pages Ke 2 Common Causes Ko Resolve Kare
Orphan pages ke do common causes hai jiske sath aapko jald se jald address aur deal karna chahye.
Ye dono causes page duplicates hai jise lagatar automatically sirf ek page pe redirect hona chhaye.
Aur agar aisa nahi hota hai, to possible hai ke pages ke kuch version linked na ho aur iski wajah se wo orphan ho jaye.
In this case, ye fact ke ye orphan hai ye hamara primary issue nahi hai, balki ye duplicates hai ye issue hai.
Non-Canonical https/http or www/non-www
Aapke site ke har ek public page ko ideally http ya https aur www or non-www ka use consistently karna chahye.
Check karne ke liye aapko apne site ke homepage ke variation ko browser me type karna hoga.
- https://www.example.com
- http://www.example.com
- https://example.com
- http://example.com
Ye sabhi variation ko aapke exact same URL pe automatically redirect hona chhaye.
Consistency ke liye us page ko canonical hona chhaye.
Agar inme se koi bhi variations properly redirect nahi hota hai, to ye aapki site pe problem ka sigh hai.
Isi tarah se aap dusre variations ko bhi check kare aur dekhe ke kya wo problem uspe bhi aa raha hai ke nahi.
Homepage ke alawa aapko apne site ke kuch dusre pages ko bhi check karna chhaye. Aur ye janne ke liye ke aapke site se redirects ko properly set up kiya gaya hai aap apne site ke .htaccess file ko check kare.
Trailing Slashes
Dusri chiz jo aapko dekhna hai wo hai trailing slashes ka lagatar use.
Example ke liye aap dekh sakte hai ke ye dono URL same result ko show kar rahe hai lekin inke URL ek jaise nahi hai.
- https://example.com/page1/
- https://example.com/page1
Apne site ke kuch pages ko trailing slash ke sath aur uske bina check kare. Aur iska dhyan rakhe ke wo dono ek hi URL pe hamesha automatically redirect ho.
Ye verify kare ke ye .htaccess me properly set up ho.
3. Google Analytics Se URL Ki List Le
Crawlers ko orphan pages ko find karne me pareshani hoti hai.
Isliye kisi SEO tool ka use ise find karne ke liye mushkil ho sakta hai.
Orphan pages ko find karne ka best place aapka Google Analytics data hai ya koi dusra analytics tool jise aap use karte hai.
Agar aapne Google Analytics ko install kar rakha hai to agar page pe kahi kisi ne visit kiya hoga to uska record Google Analytics me kahi na kahi zaroor hoga.
URL ke comprehensive list ke liye aap left sidebar me Behavior > Site Content > All Pages pe jaye.
Kyu ki orphan pages ko find karna bahut mushkil hota hai, isliye unpe visit kiye jane ke number bahut kam honge.
“Pageviews” pe click kare taki arrow upar ki taraf pointed ho jaye. Ye list ko ascending order me sorted indicate karta hai jo least se most pageviews ke order me hai.
Agar aap pane lis ko zyada se zyada comprehensive banana chahte hai to top right corner me date range pe jaye.
Google Analytics ke place hone ke pahle ke starting date ko set kare aur Apply button pe click kare.
Ab aap apne URL ki list ko jitna chahe utna expand kar sakte hai.
Right bottom me Show rows dropdown menu pe click kare aur highest number ke row ko select kare.
Yaha pe Analytics aapko sirf 5,000 URLs ko hi ek time me list kar sakta hai.
Agar aapke pass is se zyada data URL hai to aap ek time me 5,000 pages ko export kare. Aur isi tarah se aap apne sbhi Google Analytics visitor data ko export kar le.
Yaha pe hum apne pageview ko ascending order me sort kar rahe hai, isliye umeed hai ke is list me sab shamil honge aur sab se zyada umeed hai ke isme zyadatar orphan URL shami hai jispe visitors aye hai.
Analytics ko aapke sare data ko lene me kuch time lagega.
Ek baar jub URL load ho jaye to Top right me jakar export ko select kare aur Google Sheet, Excel file, ya CSV spreadsheet me apne URL ko export kare.
Ab apne URL ko exported analytics file se orphan page spreadsheet me is tarah se copy kare.
Aapko ise useful banane ke liye URL format me lana hoga.
Aisa karne ke liye new column ko insert kare aur is tarah se homepage URL ko paste kare.
Next column me in URL ko combine karne ke liye concat() formula ka use kare.
Aur phir formula ko niche drag kar ke URLs ki full list paye.
4. Orphan URLs Ko Identify Kare
Apne orphan URLs ko identify karne ke liye Crawlable URLs aur found Analytics URLs ke list ko spreadsheet me compare karne ki zaroorat hai.
Hamare hypothetical example me ye clear hai ke https://example.com/11 ek orphan page hai
Apne orphan URLs ke identifying process ko automate karne ke liye hame formula ki zroorat hai, jo ye check kar sake ke hamare Analytics list ke sabhi URL Crawlable URLs ki list me bhi hai.
Example me diye gaye formula ki help se aap is kaam ko easily kar sakte hai.
Yaha pe cell E2 me jo ‘match’ formula use kiya gaya hai wo ye hai.
=match(D2,$A$2:$A$11,0)
Ye formula check karta hai ke cell D2 ke URL $A$2:$A$11 range me hai ke nahi.
Agar aap spreadsheet se bahut zyada familiar nahi hai to hum aapko bata de ke dollar signs yahan pe isliye diya gay hai taki jub aap formula ko column me niche drag kare to range change na ho.
“0”value Google Sheets ko batata hai ke columns ko sort karna zaroori nahi hai.
Agar koi match milega to formula aapko range me uski position bata dega. yahan pe diye gaye example me ye first position hai.
Agar koi match nahi hoga to formula aapko “#N/A” https://example.com/11 ke liye display kar dega. Iska matlab hai ke Crawlable URLs ki list me ye nahi mila. Jiska matlab hai ke ye orphan page hai.
Orphan pages ki list ko pane ke liye, hame bus itna karna hai ke “#N/A” results ko ek jagah pe pane ke liye hame Match column ko sort karna hai.
Hum apne orphan URLs ki list ko phir copy kar ke new sheet me ise paste kar sakte hai, jahan pe hum ye ye soch sakte hai ke ise fix kaise kare.
5. Orphan URLs Ko Find Karne Ke Liye Dusre Places
Aap is process ko orphan URLs ko identify karne ke liye Google Analytics jaise dusre data sources ki help se find karne ke liye repeat kar sakte hai.
Inme se kisi bhi tool me aapko apne site pe crawl kiye gaye pages ki list mil jayegi:
- SEMrush
- Ahrefs
- Moz Link Explorer
- Raven Tools
Aap in tools ko sirf orphan pages ko find karne ke liye sign up na kare. Kyu ki inhe aapke pages ko find karna parta hai taki kisi tarah ye aapke aapke pages ko crawl kar sake.
SEMrush and Ahrefs me aapke specific tool aur practice hai jo aapko orphaned pages ko discover karne me help karta hai.
Aisa possible hai ke kuch cases me ye tool aise oages ko find kare jo directly crawlable na ho kyuki ye dusre means ke zarye se find kiye jate hai.
Conclusion: Orphan Pages Ko Find Aur Fix Karna
Orphan pages ko search engine index nahi kar sakta hai agar wo aapke sitemap me show na ho to. Aur agar index ho bhi jaye to ye kuch dusre SEO issues ko create karta hai.
Agar aap in steps se guzre aur aapko orphan page mile to aap khud se kuch question poochye.
- Kya ye page important hai? Agar important hai, to soche ke ise integrate kaha kare. Aur agar important nahi hai to use remove kar de.
- Kya ye page orphan page ke bawajood kisi keyword ke liye rank kar raha hai. Agar aisa hai to soche ke aap ise kaha integrate kar sakte hai. Aur agar aisa nahi hai to aap ise remove kar de.
- Aapke website ke taxonomy me ye page kaha exist karta hai?
- Kya ye page duplicate ya duplicate jaisa hai? Agar aisa hai to aap us page ko similar page me fold karne ki koshish kare jo orphan na ho.
- Kya ye page optimized hai? Kya ise optimize aur better link kiya ja sakta hai?
- Kya page external sources se linked hai?
Is post me diye gaye methods ki help se apne orphan page ko find kare aur is issue ko resolve kare.
Ummid hai aapko orphan page ka ye article (orphane page kya hai ise fix kaise kare) informative laga hoga. Agar aapka koi swaal hai to aap humse comment section me pooch sakte hain. Apke liye ye (WordPress in Hindi) course design kiya gya hai, Is Website pe apko WordPress Complete Course Hindi me mil jyega, Agr aap WordPress se related videos dekhna chahte hain to aap hmare WP Seekho YouTube Channel par bhi visit kar sakte hain.