Kabhi Kabhi aapko apne WordPress site me custom CSS ko add karne ki zaroorat ho sakti hai. Is article me hum aapko batayenge ke aap kaise easily Custom CSS ko apne site me add kare. To aaeye dekhte hai Apne WordPress Site Me Kaise Kare Add Custom CSS Ko ?
Apne WordPress Site Me Kaise Kare Add Custom CSS Ko ?
Method 1: Theme Customizer Ki Help Se Custom CSS Ko Add Kaise Kare ?
WordPress 4.7, aane ke baad se WordPress users directly custom CSS ko WordPress admin area se add kar sakte hai. Ye bahut aasan hai aur aap apne kiye gaye changes ka live preview dekh sakte hai.
Aap Themes » Customize page pe jaye yahan pe aapko WordPress theme customizer interface dikhega.
Yahan pe aapko aapke site ke live preview ke sath bahut se aur bhi options left pane me dikhenge. Aap left pane me Custom CSS pe click kare.
Aapke click karte hi box thora slid ho kar aapko ek simple box show karega jisme aap apne custom CSS ko add kar sakte hai.
Jaise hi aap valid CSS rule ko add karenge waise hi aap ise apne website’s live preview pane me dekh sakte hai.
Aap custom CSS code ko tabtak add kar sakte hai jubtak aap is baat se satisfy na ho jaye ke ye aapki site pe kaisa dikh raha hai.
Jub aap custom CSS ko add kar le to phir aap ‘Save & Publish’ button pe click kar le taki aapke custom CSS save ya publish ho sake.
Aapko bata de ke agar aap theme customizer ki help se kisi bhi custom CSS ko add karenge to aapka ye Custom CSS us particular theme ke sath hi available hoga. Agar aap chahenge ke wo custom CSS aapke dusre theme ke sath bhi available ho to aapko isi method ki help se naye theme me copy aur paste karna hoga.
Method 2: Plugins Ki Help Se Custom CSS Kaise Add Kare ?
Is method ka use karne ke liye aapko plugin install karne ki zaroorat hogi. Ye method particularly un users ke liye hai jo WordPress 4.7 ya later versions ka use nahi kar rahe hai.
Sabse pahle aapko Simple Custom CSS plugin ko install karna hoga. Plugin ko install karne ke liye aap hamare step by step guide WordPress Plugin Install kaise kare ko dekh sakte hai.
Plugin ke activate ho jane ke baad aap Appearance » Custom CSS me jaye aur apne custom CSS ko paste kar den.
Apne CSS ko store karne liye ‘Update Custom CSS’ button pe click karna na bhoole. Ab aap apne website pe ja kar Custome CSS ko action me dekh sakte hai.
Is method ka sab se bara advantage ye hai ke agar aap apne theme ko change bhi kar lete hai tab bhi aapka custom CSS available hoga.
To Doston bas itnahi, Ummid hai aapko ye article ( WordPress Site Me Kaise Kare Add Custom CSS Ko ) informative laga hoga. Agar aapka koi swaaal hai to aap humse comment section me pooch sakte hain. Apke liye ye ( WordPress in Hindi ) course design kiya gya hai, Is Website pe apko WordPress Complete Course Hindi me mil jyega, Agr aap WordPress se related videos dekhna chahte hain to aap hmare WP Seekho YouTube Channel par bhi visit kar sakte hain.
Latest Post :
- WordPress Posts Me Author Info Box Kaise Add Kare
- Filezilla FTP Client Setup Kaise Karen ?
- Images Aur Media Files Ko WordPress Me Rename Kaise Kare.