FileZilla FTP Client Setup Kaise Karen : Ye janne se pahle ham jante hai ki FIliZilla kiya hai ? FileZilla ek bhut hi popular free FTP client software hai. Jisse aap apne FTP account ko connect kar ke apne website ke core file ko access kar sakate hai. FileZilla ka user interface bhut hi simple aur asaan hai. ye bilkul hi user friendly hai, isse website ya blog ko bhut hi asani se manage kiya ja sakta hai.
Real me FileZilla sirf FTP tak limited nahi hai. Ye bhut sare server’s pe bhut sare file ko safely transfer karne ke liye FTPS aur SFTP ko sambhalta hai. Agar aap apne WordPress websites ke files ko apne local computer me access, modify aur update karna chahte hai to Filezilla FTP Client Software apke liye best option hai.
FileZillia kyun use karen ?
FileZilla bhut speed kaam karne wala FTP Client Software hai. jiske zariye local computer me Client Website ki file ko bahut hi asaani se access kar sakte hai. Ye Multi languages aur FTP, FTP over SSL/TLS (FTPS and FTPES) aur SSH File Transfer Protocol (SFTP) ko bhut ache se Supports karta hai.
FTP client software to waise bhut sare hai, Lekin sabke compare me FileZilla FTP Client Software zyada recommended or sabse behtar hai, Kyunki baki sare FTP Client software me limitations lagi hui hai ki bass 4Gb tak ke website file ko hi transfer kiya ja sakta hai, Jabki FileZilla Client Software me koi bhi limitation nahi hai, iske zariye client website ke bade bade file ko transfer kiya ja sakta hai. Sabse important to ye hai ki, Filezilla FTP Client Software se ham bhut hi asaani se aur kam waqt me FTP Client Setup kar sakte hai.
FileZilla Features:-
- User friendly interface and easy to use;
- Supports FTP, FTP over SSL/TLS (FTPS and FTPES) and SSH File Transfer Protocol (SFTP);
- Available for Windows, Linux, BSD, Mac OS X and more;
- Multi languages support;
- Supports resume and transfer of large files;
- Site Manager and transfer queue;
- Bookmarks;
- Drag & drop support;
- Adjustable transfer speed limits;
- Filename filters;
- Directory comparison;
- Network configuration wizard;
- Remote file editing;
- Keep-alive option;
- Logging to file;
- Synchronized directory browsing;
- Remote file search.
FTP Kiya hai ?
FTP ka full form “File Transfer Protocol” hai. Aapko iske name se hi pata chal rha hoga ke iska use File transfer karne ke liye kiya jata hai. FTP ka use apne local computer se server pe file upload karne ke liye ya fir server se apne local computer me file download karne ke liye kiya jat hai.
Jaise aapke computer me aapka file store rahta hai waise hi aapke hosting server pe aapke WordPress website ka poora file store rahta hai. Aap FTP ke alawa apne files ko cPanel me login kar ke direct file manager se bhi file upload kar sakte hai.
FTP Account Kyun Zaruri Hai ?
- Waeise to FTP Account bhut sare cases ke liye zaruri hai. Jaise ki FTP account ke zariye aap server ke kisi particular folder ka access aap kisi user ko de sakte hai bina hosting username password diye hue.
- Shared hosting ke case me iski zarurat hoti hai. Agar aap kisi user ko fixed access dena chahte apne hosting ki to aap FTP account create kar ke de sakte hai.
- Agar aap website ke liye hosting server pe file upload karna chahte hai, to FTP Account hona zaruri hai.
- Website file me changes karne ke liye aur Website/blog ke file ka backup lene ke liye bhi FTP account zaruri hai.
Ex :- Agar aap chahte hai ki aapka koi friend aapke taraf se file upload kare. To aap apne friend ke liye FTP account create kar sakte hai aur uske liye ek directory setup kar sakte hai jisme vo apna file upload kar paye.
Ab aapka friend aapke hosting server ke sirf usi directory ko FTP ke zariye access kar sakta hai jisse apne use assign kiye hai na ki puri hosting server ko.
FTP Account Kaise Create Karen ?
Ab yaha pe sare steps aapko batenge ki FTP Account Kaise Create Karen, niche diye gaye sabhi steps ko follow kar ke aap bhut hi asaani se FTP account create kar sakte hai.
Aapko mai yaha pe bata du ki agar aap kisi bhi company se web- hosting khareedte hai to aapko normally cPanel milta hai, har company ka cPanel ek jaissa hi hota hai. Lekin agar aap dedicated wordPress hosting khareedte hai to apko cPanel ke jagah sirf file manger aur FTP ke basics options hi milte hai, har company ka control panel alag alag hota hai, to bas ab apko apne website ke control panel ya settings ko access karna hai aur file manager and FTP account ka section dundhna hai.
Step . 1- Sabse pahle aapko apne website ke control panel ya cPanel ko access karna hai. cPanel ko access karne ke liye aap www.your-primary-domain.com/cpanel ko visit kar sakte hai ya apne Hosting account se cPanel me ja sakte hai.
Yaha ham FTP Account create karne ke liye cPanel ka use kar rehe hai.
Step . 2 – cPanel ke Files section me apko FTP Account ka section mil jaega. Aur agar aap cPanel use nhi kar rahe to aapko control panel me FTP account ka option dhudna hai.
Step . 3 – FTP account section me aapko new FTP account create karne ke liye options mil jaenge, aapko ek new FTP account create karna hai.
Yaha pe kuch important sections hai jinhe fill karna hai
- Log in – Ab Login me ja kar aap apna name ya jis name se aap account ko future me login karna chahte hai wo name likhe.
- Domain – Agar aapke paas multiple website ya domain hai to jis website ke liye FTP account create karna chahte hai uske domain name ko chune
- Password – Ab apko ek strong password generate karna hai to Password Generator pe click kare. Aur agar aap khud se koi password rekhna chahte hai to password daal se aur next password(Again) me apne password ko firr se likhe.
- Ab ye password apne aap paasword aur confirm password ke box me fill ho jayega
- Directory – Directory me jiss particular folder ka access aap kisi user ko FTP ke zariye dena chahte hai, uss file ka name type karenge. Agar aap administrator hai aur khud ke liye account create kar rhe hai to aap root directory(public_html/) ka access rakh sakte hai
- Quota – FTP account ka Quota set kare.
- Create FTP Account pe click kare.
Finally ab insab steps ko follow kar ke bhut hi asaani se FTP Account create kar sakte hai. Aur FTP Account create karne ke baad yaha pe hame FTP manual settings me FTP created account ke details provide kar diya jata hai. Jiska use aap aage ke process me kar sakte hai.
FTP Ka Use Kaise Karte Hai ?
Aaye ab jante hai FTP ka use kaise karte hai. FTP ka use karne ke liye FTP client(software) ki zrurat hoti hai. Aap koi bhi FTP client jaise ki ( CoreFTP (For Window ), Cyberduck (For Mac ) etc) Ka use kar sakte hai. Yahan pe apko batenge ki Filezilla ke zariye FTP Account access kaise karte hai.
Filezilla FTP Client Setup Kaise Karen ?
FileZilla FTP Client Setup karne ke liye Sabse pahle FileZilla FTP Client Software ko download and install kijiye. Fir FTP Client Software ko open kijiye.
Agar aap quickly FTP account ko connect karna chahte hain to aap highlighted Quickconnect ka use kar sakte hain. Quickconnect ek temporary connection hota hai. Jaise hi aap apna software close karenge, Waise hi aapka sara settings khatam ho jaega. Fir se connect karne ke liye aapko saare information firse daalna padega.
yahan pe aapko FTP account ke taraf se provide kiye hue FTP account details fill karna hoga.
- Host : Yaha aap FTP Server Address, Domain name ya Domain IP Address dalen.
- Username : Aapko bata du ki jab aap FTP account create karne ke liye username dalte hai to waha pe apke user name ke sath domain name bhi automatically add ho jata hai, like sariya@yourdomain.com To yahan pe aapko wahi wala username fill karna hai.
- Password : Yaha pe aap apne FTP account ka password dale
- Port : yaha aap 21 dale jo ki aapko FTP account ke taraf se provide bhi kiya gaya hai.
Sare information fill karne ke baad aapko quick Connect ke upar click karna hai aur finally aapka connection established ho jayega. Aur agar waha pe SSL ya security se related koi popup aata hai to use hum allow ya ok karenge.
Agar aap apne sare settings ko future use ke liye save rakhna chahte hain to aap Menu ke File >> Site Manger ko visit kar sakte hai.
Site manager pe click karte hi aapke samne FileZilla FTP Server ka ek new Window khul jaega, jahan pe aapko New site create karna hoga.
New site pe click karne ke baad right side me FTP account se related info fill kare.
- Protocol – Yaha pe click kar ke Drop down menu se “FTP – File Transfer Protocol” select kare.
- Host – Yaha aap FTP Server Address, Domain name ya Domain IP Address dalen.
- port – Yaha pe FTP me port ke liye 21 enter kijiye.
- Username – yaha pe aap apna FTP account create karne ke time jo user name dale the wo hi user name dale.
- Password – yaha pe FTP account ka password dale.
Apni FTP information enter karne ke baad “Connect” button pe click kijiye, Ab apka web-surver FileZilla FTP Client setup ho jaega.
Web-server FileZilla FTP Client setup karne ke baad, Aapke samne jo page hai, usme FileZilla do part me khula hua hai.
Ab FileZilla ke ek part me apke Local computer ke files hote hai aur dusre part me apke web server ke files hote hai. Ab yaha se aap apne website (web server) me files ko asaani se Edit ya Upload kar sakte hai.
To Doston bas itna hi, Ummid hai aapko ye article ( FileZilla FTP Client Setup ) informative laga hoga. Agar aapka koi swaaal hai to aap humse comment section me pooch sakte hain. Apke liye ye ( WordPress in Hindi ) course design kiya gya hai, Is Website pe apko WordPress Complete Course Hindi me mil jyega, Agr aap WordPress se related videos dekhna chahte hain to aap hmare WP Seekho YouTube Channel par bhi visit kar sakte hain.