Kisi bhi Website ya Blog ko run karne ke liye ek domain aur ek hosting ki zarurat hoti hai. Jise buy karna hota hai, But isme 2 situation hote hai. Pahla Domain aur web hosting ko same company se buy karna, Aur dusra Domain kisi alag company se aur hosting kisi dusre alag company se buy karna.
Pahle situation men domain aur hosting same company se buy karne ke wajah se already connect jata hai. Aapko usme kuch karne ki zarurat nahi padti hai. Kyunki us domain ka name server already usi hosting ko point kar raha hota hai.
But dusre situation me, Jaise domain buy kari hai GoDaddy se. Aur hosting buy kari hai SiteGround se. To by default domain ke name servers apni company (GoDaddy) ke hosting server ko point karta hai. Isliye aise situation me apne Domain ke DNS management me, apne hosting ke name server ko set karna padta hai. To chaliye jante hai DNS Setup Kaise Kare ?
Mai yaha GoDaddy ke domain ko SiteGround ke hosting se DNS setup Kaise kare bataungi. Agar apka Domain ya hosting kisi dusre company se bhi hai, to koi problem nahi hai. Kyunki process sab ka ek jaisa hi hoga.
Domain ko Hosting se Kaise Connect Kare ?
Hame hosting ke nameserver ko domain ke name server me update karna hai. Isliye Sabse pahle GoDaddy ko visit karna hai. Kyunki mera domain GoDaddy se buy kiya hua. Aur mai apko bhi recommend karungi ki hamesha GoDaddy se hi Domain buy kare. Kyunki GoDaddy baki sare Domain provider ke compare me kafi sasta aur easy to use hai. Agar aap janna chahte hai, GODaddy se Domain Name Register Kaise Kare to iska ek separate article bhi padh sakte hai.
Sabse pahle apne hosting ke nameserver ko find kare. Nameserver kuch iss tarah ka dikhta hai.
- SiteGround- ns1.sgp1015siteground.asia, ns2.sgp1015siteground.asia
- GoDaddy- ns145.GoDaddy.com, ns223.GoDaddy.com
- Hostgator- ns123.Hostgator.com, ns247.Hostgator.com
- BlueHost- ns1.BlueHost.com, ns2.BlueHost.com
Mera hosting SiteGround par hai, Islye siteground ke homepage par “website” section par click kare.
Ab yaha hai hamare website ki details. Hame nameserver setup karna hai, Isliye” Site tools”par click kare.
Ab separate panel me SiteGround ka nameserver ns1.sgp1015siteground.asia aur ns2.sgp1015siteground.asia hai. Iss nameserver ko hi hame apne domain me update karna hai.
Agar apka domain kisi dusre company se hai, To koi problem nahi hai. Bass apko apne Domain ke DNS setting me jakar uske nameserver ko change karna hai. To chaliye step by step jante hai DNS Setup Kaise Kare.
Step 1. Sabse pahle apne GoDaddy account se “sign in” kare.
Step 2. Yaha apka buy kiya hua Domain hai. Uske “DNS” option par click kare.
Step 3. Ye hai Default DNS . Yaha nameserver me simply “change” par click kare.
Hamare Domain ka jo abhi nameserver hai use change kar ke hame yaha par siteGround ka nameservaer update karna hai.
Step 4. Custom name server dalna hai. Isliye “Enter my own nameserver” par click kare.
Step 5. Ab yaha pe apne hosting ka nameserver ns1.sgp1015siteground.asia, ns2.sgp1015siteground.asia enter kare. Aur “save” par click kare.
Nameserver update hone me normally 15 to 20 minutes leta hai aur sometimes 24 hr bhi lag jata hai. Update hote hi email notification mil jata hai.
Step 6. Finally ab aap yaha dekh sakte hai. Mere hosting ka nameserver yaha update ho gaya hai.
Nameserver update hone ke baad ap apne live site ko visit kar sakte hai. Website ko jaisa chahe waisa customize,modify kar sakte hai.
To Doston bas itna hi, Ummid hai aapko ye article ( DNS Setup Kaise Kare ) informative laga hoga. Agar aapka koi swaaal hai to aap humse comment section me pooch sakte hain. Apke liye ye ( WordPress in Hindi ) course design kiya gaya hai, Is Website pe apko WordPress Complete Course Hindi me mil jyega, Agr aap WordPress se related videos dekhna chahte hain to aap hmare WP Seekho YouTube Channel par bhi visit kar sakte hain.
Also Read :
- Master Premiere Pro Essential Graphics | Video Editing Course Chapter – 13
- Speed Ramp | Time Remapping | Video Editing Course Chapter – 12
- Multi Camera Editing | Video Editing Course Chapter – 11
- Advanced Color Correction | Video Editing Course Chapter – 10
- Video Transition Effects | Video Editing Course Chapter – 09