Cryptocurrency ek digital ya virtual currency hai jise ek exchange ke medium ke taur pe use kiya jata hai. Ye ek digital asset hai jise aap chizon ko kharidne ke liye kar sakte hai. Is post me hum aapko batayenge ke cryptocurrency kya hai? To chalye dekhte hai ke cryptocurrency kya hai?
Cryptocurrency kya Hai?
Cryptocurrency ek payment ka form hai jise aap online goods aur services ko kharidne ke liye use kar sakte hai. Jis tarah se log Rupee, Doller, Euro ka istemal Goods aur services ke exchange ke liye karte hai theek usi tarah se cryptocurrency ka bhi use ek currency ki tarah kiya jata hai.
Is currency ko cryptography ke zarye se secure kiya gaya hai. Cryptocurrency financial transactions ke liye cryptographical function ka use karta hai. Ye blockchain technology ke zarye se decentralization, transparency, aur immutability ko maintain karta hai.
Blockchain technology ke decentralized nature ki wajah se cryptocurrency ko government control nahi karti hai. Aur yahi wajah hai ke iske value ko regulate nahi kiya ja sakta hai.
Cryptocurrency ka sab se important feature yahi hai ke ise koi central authority control nahi karta hai.
Private aur Public keys ka use kar ke cryptocurrency ko do parties ke beech me directly sent kiya ja sakta hai.
Aaj cryptocurrency ko poore dunya me zyadatar log jante hai. To chalye jante hai ke cryptocurrency work kaise karta hai.
Cryptocurrency Work Kaise Karta hai?
Logo ke beech me cryptocurrency ka transaction “cryptocurrency wallets” software ke use se hota hai. Transaction karne wala person apne balance ko ek account (AKA a public address) se dure account me transfer karne ke liye wallet software ka use karta hai. Fund transfer karne ke liye account se related password (AKA ek private key) ki zaroorat hoti hai.
Logo ke beech me kiye jane wale transaction ko encrypt kiya jata hai aur phir use cryptocurrency ke network pe broadcast kiya jata hai. Aur public ledger (record-keeping system) me add karne ke liye queue me add kar diya jata hai.
Aur phir transaction ko public ledger pe “mining” process ke zarye se record kiya jata hai. Kisi bhi cryptocurrency ke sabhi user ke pass lader ka access hota hai agar wo access ko choose karte hai.
Yahan per transaction amounts public hota hai lekin transaction kis ne bheja hai wo encrypted hota hai. Har ek transaction ke sath ek unique key ka set hota hai.
Jo bhi us key ke set ko hasil karta hai wo us key se related cryptocurrency ke ammount ka owner ho jata hai, theek usi tarah jis tarah ek bank account ka malik us account me jitne bhi paise hote hai uska malik hota hai.
Ek sath bahut se transaction ladger me add kiye jate hai. Transaction ke in blocks ko miners sequentially add karte hai. Yahi wajah hai ke ledger aur iske piche ke technology ko “block” “chain” kaha jata hai. Ye transaction ke “blocks” ka ek “chain” hai.
Cryptocurrency Ke Advantages aur Disadvantages
Advantages
- Bina kisi third party (bank ) ke cryptocurrency ko directly do logo ke baach me transfer karna aasan hai.
- Ye public keys aur private keys ki help se secure kiya jata hai, jiski wajah se ye bahut secure hai.
- Dusre payment option ke comparison me isme transaction fee bhi bahut kam hai.
Disadvantages
- Difficult to understand – Cryptocurrencies new hai aur aur iske bare me logo ko abhi kuch zyada maloom nahi hai. Log proper knowledge ke bina isme invest kar ke apne pise ko dubo sakte hai.
- Lack of knowledge – Logo ko ye nahi pata hai ke cryptocurrenc ko use kaise kare aur is tarah se wo hackers ke liye raste khol dete hai.
- Not accepted widely – Bahut sare website aur companies abhi tal digital currency ko accept nahi karte hai. Bahut kan countries ne iske use ko leagal kiya hai. isliye ye aapke everyday use ke liye ideal nahi hai.
- Apne wallet ko aap lose kar sakte hai – Aapko apne wallet ko lose karne ki possibility bani rahti hai. Agar aap ek baar apne coins ko lose kar dete hai to phir aap uski wapas nahi pa sakte hai.
- No reverse payment – Agar aap mistake se kisi ko payment kar dete hai to aapke pass us payment ko reverse karne ka koi option nahi hai.
Ummid hai aapko cryptocurrency ka ye article (cryptocurrency kya hai?) informative laga hoga. Agar aapka koi swaal hai to aap humse comment section me pooch sakte hain. Apke liye ye (WordPress in Hindi) course design kiya gya hai, Is Website pe apko WordPress Complete Course Hindi me mil jyega, Agr aap WordPress se related videos dekhna chahte hain to aap hmare WP Seekho YouTube Channel par bhi visit kar sakte hain.