Blogspot Blog ko WordPress me kaise import kare

Aksar naye blogger apni blogging ki shuruaat blogSpot se karte hai. Beginners ke liye blogSpot ek accha platfom hai. BlogSpot ek free platform hai jahan pe hum bina kisi investment ke apne blog ko publish kar sakte hai. Yahi wajah hai ke shuruati blogger ke liye ise ek accha platform mana jata hai. Par jub bat serious blogging ki aati hai to blogSpot ke comparison me WordPress ek best option hai. Aaj is post me hum aapko blogger to wordpress migration ke bare me batayenge.

Blogger ke bare me hum sabhi jante hai ke ye ek popular blogging platform hai jise google ne create kiya hai. Blogger pe koi bhi google account ki help se free account create kar sakta hai. Blogger ki limitations ki wajah se log blogger se migrate karna chahte hai.

WordPress aapko apne website ka complete ownership deta hai. Ye aapko aapki site pe necessary feature add karne aur blog ko monetize karne ke liye allow karta hai. Jub hum WordPress ki baat karte hia to iska matlab self-hosted wordpress.org hai wordpress.com nahi.

WordPress.org ek popular WordPress platform hai. Internet pe 31% ke approx site wordpress pe hi bane huye hai. To aaeye dekhte Blogger to WordPress migration process ko.

Blogger to WordPress migration- step by step guide

Blogger ke export aur WordPress ke import option ki help se hum easily blogSpot post ko wordpress me import kar sakte hai. WordPress in-built migration tool offer karta hai jiski help se aap blogspot ka sub kuch wordpress me migrate kar sakte hai. To aaeye jante hai blogger to wordpress migration ke process ko.

Step 1. Export Your Blogger Blog

First step jo aapko apne blogspot content ko export karne ke liye karna hai wo hai, apne blogspot accont me login karna. Apne account me login karne ke baad aapko dashboard me Setting me Other page pe jaye. ‘Import & back up’ section me aap ‘Back up Content’ button pe click kare.

Backup content pe click karne ke baad ek pop up aayega usme ‘Save to your computer’ button pe clcik kare.

Blogger content aapke computer oe xml formate me download ho jayega.

Step 2. Import Blogger to WordPress

Blogger ko wordpress me import karmne ke liye aapke pass domain name aur hosting account hona chahye. Domain aur hosting service register karne ke liye niche diye gaye link ko follow kare.

• Godaddy Hosting Account pe WordPress kaise Install kare

WordPress me blogspot content ko import karne ke liye aapko apne dashboard me tools me Import ke option pe jana hoga. Import me jane ke baad aapko blogger ke niche ‘Install Now’ link pe click karna hoga.

WordPress aapke liye Blogger Importer plugin download kar lega. Downloading finish hone ke baad continue rahne ke aapko ‘Run Importer’ link pe click karna hoga.

Ab aapko XML file ko upload karna hoga. Ye wo file hai jise aapne blogger se step 1 me download kiya tha. Choose file button pe click kar ke file ko select kare aur Upload file and import button pe clcik kare.

WordPress ab import file ko upload karega. Agar aapka file zyada bara hua to aapko error show hoga your file size is too large. Is case me aapko apne file size ki limit ko increase karni hogi. Maximum file upload limit ko increase karne ke liye niche diye gaye link ko follow kare.

Ab aapko post ko author ko assign karne ke liye kaha jayega. Author ka naam assign kare aur submit button pe click kare.

WordPress ab aapke sare content ko blogger export file se worpress me import kar dega.

Step 3. Setting up Permalinks

WordPress me aap apne blog ke permalink yani url ko SEO friendly URL structutre me setup kar sakte hai. Aapne blogger se apne content ko import kiya hai is liye aapko apne url structure ko blogger url structure ke jaisa hi setup karna hoga.

• WordPress me SEO friendly Permalink kaise create kare

Permalink ko set karne ke liye aapko apne wordpress dashboard me settings me permalink me custom structure option ko selct karna hoga.

Is permalink structure ki help se aap apne url structure ko bl;ogger ke url structure ke jaisa setup kar sakte hai.

User jinhone aapke blogspot post ko Rss feed se subscribe kiya hoga wo aapke post ko abhi bhi dekh sakte hai. Bus wo aapke site pe update hone wale naye content ko nahi dekh payenge. Ise fix karn ke liye aapko apne blogger account me Settings me other page pe jana hoga. Post Feed Redirect URL ke next me aapko ‘Add’ link pe click kar ke apne wordpress feed ko add karna hoga.

Aapka wordpress feed url is tarah ka dikhega- http://yoursite.com/feed

Ab aap successfully blogger se WordPress pe move kar chuke hai. Ab aapko kuch aise chizen karni hogi jiske help se aap apne blog ko improve kar sake.

Aapko wordpress intall karne ke baad ke kuch guide janne ke liye niche diye gaye link ko follow kare.

• WordPress blog create karne ke baad zaroori settings

Step 4. Setup Redirects from Blogger to WordPress

Website ko move karne ke step me proper redirects setup karna ek most important step hai taki aap apne existing traffic aur SEO rank ko lose na kar sake. Redirection ka crucial part ye hai ke aapke user usi same page pe naye website pe land kare jispe aapke user land karna chahte hai. Aap Blogger to WordPress Redirection plugin ki help se apne blog ka redirection create kar sakte hai. Apne blogger se WordPress pe redirects create karne ke liye aap niche diye gaye link ko follow kare.

• Blogger se WordPress par Redirects kaise setup kare

Umeed hai ye article Blogger to WordPress migration aapke liye helpful hoga.