Jub aap Photoshop pe kaam karne ki shuruaat karna chahte hai to sab se pahle aapko iske Interface ko samajhna hota hai. Is tutorial me hum aapko Photoshop ke interface ke bare me batayenge. Adobe ka interface adobe ke teeno main design programs: Photoshop, InDesign aur Illustrator teeno me ek jaisa hai. Is post me hum aapko Adobe CS6 Interface ke bare me batane wale hai, jo lagbhag adobe ke sabhi software me ek hi jaise hai. To aaeye dekhte hai Photoshop ke interface ko.
Tools aur Tool Bar
Har Adobe program aapko apne project ko direct manipulate karne ke liye kuch set of Tool provide karta hai. Ye tools aapko kisi bhi image pe shape create karne se le kar sabkuch karne ki permission deta hai. Har tool ka apna ek specific purpose hota hai joki ek dusre se operation me different hota hai. Tools ko program space ke left side me tool bar se select kiya jata hai. Kuch tools pe jub aap clik karenge to aapko us tool se related bahut se tool aur dikhenge jise aap select kar ke use kar sakte hai.
Options Bar
Option bar tool bar ke sath mil kar kaam karta hai. Jiase hi aap tool bar se different tools ko select karte hai, Option bar us tool ke different aspects ko display kar deta hai (jaise modes, types, size, weight, color, shape, etc) jise aap manipulate kar sakte hai. Chuki har ek tool me ek alag application hota hai is liye aane wale option bar har tool ke sath change honge.
System Bar
System bar dialog boxes ke through user input value ka option provide karta hai. System bar transform tools ko rotate aur shift karne me helpful hota hai. System bar file option me file ko save aur export karne ka location bhi hai.